Ish-drejtori i Policisë: Situata e tensionuar, sa më shpejt të hapen rrugët në veri
Autori: Gazeta inFokus 11:52 | 25 September 2021
Ish-drejtori i Policisë së Kosovës, Rashit Qalaj deklaron se bllokimi i rrugëve në veri të vendit nuk mund të vazhdojë edhe për shumë kohë. Thotë se barrikadat duhet të hiqen sa më shpejtë dhe se Policia e Kosovës ka të gjitha kapacitetet për të hapur rrugën atje.
Qalaj thotë se qëndrimi sa më i gjatë i serbëve në rrugë në Jarinjë e Bërnjak, mund ta tensionojë edhe më shumë situatën, teksa shton se është më se e nevojshme që këto rrugë të hapen sa më shpejt.
Ish-kreu i policisë në një intervistë për KosovaPress, flet edhe për rusët që u panë në mesin e serbëve në veri, për çka thotë se rusët do të përkrahin gjithmonë ekstremistët serbë që të destabilizojnë Kosovën.
“Intervenimi ose jo i policisë, besoj se duhet të bëhet atëherë kur të pjekën kushtet. Për momentin jam shumë i sigurt që ata janë duke pritur një sinjal nga qeveria e Kosovës, e mos të harrojmë që është vetëm Policia e Kosovës ajo që mund të bëjë intervenimin për hapjen e rrugës. Nuk është një operacion i lehtë… por policia i ka kapacitetet. Sa është urgjente, varet prej zhvillimeve politike që janë duke ndodhur e që ne ndoshta nuk i dimë. Mirëpo konsideroj që në pafundësi s’mund të qëndrohet në këtë mënyrë, me bllokim të rrugëve”, thotë ai.
Qalaj thotë se përkundër që situata në pamje të jashtme duket e qetë, gjendja në veri është e tensionuar.
Sipas tij, ata serbë që po qëndrojnë tash 6 ditë në pikat kufitare në Jarinjë dhe Bërnjak, po synojnë që të përshkallëzojnë situatën. Ndërkohë që thotë se është Policia e Kosovës ajo që po tregohet korrekte dhe nuk po bie në provokimet qëllimkëqija të serbëve.
“Unë konsideroj që përtej kësaj fasade që duket e qetë situata është shumë e tensionuar, meqenëse ju e dini që ata njerëz që janë aty duken ndenjur shumica prej tyre nuk janë edhe me dëshirën e tyre janë të detyruar nga struktura qoftë komunale apo edhe ato tjera paralele të sistemit serb dhe konsideroj që sidomos tash fushata e fundit propaganduese e Serbisë në lidhje me disa raste që kanë ndodhur, kinse Policia e Kosovës po e maltreton dikënd nëpër rrugët nëpër komunat me komunitet serb, besoj që nuk ka asnjë shpjegim tjetër përveç tentativës për të paraqitur dhe me e tensionu situatën sa më shumë”, thotë Qalaj.
Ish-kreu i Policisë thotë se pavarësisht propagandës së Serbisë për të nxitur presion ndërkombëtar ndaj Kosovës nuk duhet të ketë tërheqje nga ana e qeverisë për zbatimin e reciprocitetit në targa.
“Marrëdhëniet e Serbisë dhe të Kosovës janë të njëjta, vetëm janë shpërfaq dallimet që i kemi dhe apetiti i Serbisë që të përzihet në punët e brendshme të Kosovës. Unë mendoj që vendimi i qeverisë duhet të zbatohet deri në fund, absolutisht nuk duhet të tërhiqet, pavarësisht presioneve që mund të bëhen nga qarqet ndërkombëtare, ku në të njëjtën kohë duhet të shkohet kah zgjidhja më e shpejtë që rrugët të hapen”, thekson ai.
Sa i përket prezencës së rusëve që të enjten janë parë në mesin e serbëve në veri, Qalaj thotë se është e pritshme një gjë e tillë nga ata që nuk ia dëshirojnë të mirën Kosovës.
“Asgjë e re. Ka pasur situata edhe në të kaluarën që elementë, të cilët nuk ia dëshirojnë të mirën Kosovës, të futen në Kosovë dhe të operojnë kundër Kosovës, kundër institucioneve të saj, dhe kjo që ka ndodhur… do të ndodh edhe në të ardhmen që gjithmonë t’i përkrahin ekstremistët serbë që të destabilizojnë Kosovën. E fati i mirë është që ditë për ditë po shihet që Kosova ka institucione të konsoliduara, të cilat janë në gjendje të përballen me çfarëdo sfide”, thotë ai.
Tash 6 ditë disa serbë në shenjë proteste kundër vendimit të Ministrisë së Punëve të Brendshme të Kosovës për reciprocitet në targa, kanë bllokuar rrugët në pikat kufitare në Jarinjë dhe në Bërnjak.
Gjatë këtyre ditëve ata kanë provokuar vazhdimisht Policinë e Kosovës, ndërkaq të enjten kanë inskenuar kinse tre prej tyre janë rrahur nga Njësia Speciale e Kosovës./KosovaPress
Të tjera
-
Zhdukja e mostrave në rastin Dehari, VV-ja sërish e pengon formimin Komisionit Hetimor Parlamentar
Lëvizja Vetëvendosje sërish ka kundërshtuar themelimin e Komisionit Hetimor P...
-
“Veç mos shaj najsen”: Mesazhi i Kusari-Lilës për deputetin e VV-së që tregon si kurdiset debati në Kuvend
Komunikimet ndërmjet deputetëve të grupit parlamentar të Vetëvendosjes vazhdo...
-
I jepet lamtumira e fundit 48 vjeçares që u vr* të martën në gjuajtet me arm* në Kolovicë (PAMJE)
Sot është përcjellë për në banesën e fundit 48 vjeçarja e cila vdiq si pasojë...
-
Kishte rënë në një humnerë pesë metra, gjendet i gjallë 61-vjeçari në Prevallë i cili u raportua i zhdukur
Nëntë ditë më parë në polici ishte raportuar se një person nga Ferizaj me bas...
-
KQZ pritet të vendosë për kamera në vendvotime
Në Komisionin Qendror të Zgjedhjeve, është diskutuar lidhur me aktivitetet e ...
-
Vlora Çitaku zgjidhet Sekretare e Përgjithshme e PDK-së
Këshilli Drejtues i Partisë Demokratike të Kosovës ka mbajtur sot mbledhjen e...
-
Vuçiq pa detaje rreth “ditëve të vështira” për Serbinë
Presidenti serb, Aleksandar Vuçiq, tha se më 28 mars Serbinë e presin “ditë t...
-
Del video nga ngjarja që tronditi Prishtinën: Kështu nisën të shtënat me armë në Kolovicë
Policia e Kosovës ditë më parë ka dhënë detaje lidhur me vrasjen e së martës ...
-
Nuk votohet në Kuvend Projektdeklarata për raportet e Kosovës me ShBA-në
Deputetët e Kuvendit të Kosovës nuk kanë arritur që as edhe në seancën e sotm...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Kurti për masakrën e Izbicës: Prokuroria e Shtetit e ka mbështetjen e plotë që kriminelët të jenë prapa grilave
Pas homazheve te familjet Bogujevci, Duriqi dhe Llugaliu, kryeministri i Koso...
-
PDK voton Kryesinë e Re, Bedri Hamza merr mbështetje si kandidat për kryeministër
Këshilli Drejtues i PDK-së ka mbajtur sot mbledhjen e radhës me ftesë të krye...