Ish-ambasadori i Kosovës, pro-rus dhe tërësisht në shërbim të propagandës së Putinit
Autori: Gazeta inFokus 17:47 | 25 April 2022
Gazmend Pula, ish-ambasador i Kosovës në Shqipëri, është duke e mbështetur Rusinë dhe luftën e saj në Ukrainë. Përmes postimeve në llogarinë e tij në Facebook, ai shprehet hapur pro Putinit dhe kundër Perëndimit, që sipas tij, e futi Ukrainën në këtë luftë.
Ish-ambasadori është shumë aktiv virtualisht dhe është vënë krejtësisht në shërbim të propagandës ruse, duke shkruar e duke shpërndarë materiale nga “Russia Today”, televizioni propagandistik rus i sanksionuar nga Shtetet e Bashkuara dhe Bashkimi Europian.
I kontaktuar nga Express, Pula ka pohuar se llogaria dhe postimet në të janë të tijat.
“Profili im është profili im, por mbështetja është interpretimi juaj”, ka thënë Pula.
Duke theksuar se mbështetja ndaj Rusisë është çështje “interpretimi”, ai ka thënë se “para opinionit publik nuk bisedohet kështu”.
“S’jam i interesuar të flas në telefon për këso gjëra serioze”, tha ai pasi u pyet për ta komentuar një postim specifik ku kishte shpërndarë një material të RT.
Një video ku shihen trupa ruse të udhëhequra nga kreu i Çeçenisë, Ramzan Kadyrov, e ka shpërndarë së fundmi, duke iu gëzuar pushtimit të Mariupolit, qytetin shumë të rëndësishëm strategjikisht për Ukrainën.
“Trupat çeçene të Ramazan Kadyrov festojnë çlirimin e Mariupolit”, thuhet në videon e shpërndarë nga ish-ambasadori.
Në një rast, Pula ka shpërndarë një material të televizionin rus, “Russia Today”, duke shkruar se “mund ti ndalin rrjetet sociale, por nuk mund ta ndalin të vërtetën”.
Atij nuk i pëlqejnë komentuesit që i kundërshtojnë postimet e tij. Të tillët ish-ambasadori i quan “injorantë”.
Ai e sheh Ukrainën si një vend të shkretë e të cilin e futën në luftë amerikanët. Fajtor e bën edhe presidentin ukrainas, Volodymyr Zelensky, po njësoj siç flet presidenti rus, Vladimir Putin për shefin e shtetit ukrainas.
“…për qëllime dhe nevoja të veta të tentim dominimit imperial të vazhduar të botës, në këtë fazë duke e futur Ukrainën në gojë të Arushës ruse, duke ja deleguar luftën mercenare kundër Rusisë…!”, ka shkruar ndër tjerash ai, në një koment.
Amerikanët, ai i quan “luftënxitës”, dhe kritikon BE-në që qëndron në të njëjtën linjë.
“Qentë dhe kukullat europiane që zvarriten poshtë me turp për t’i puthur këmbët e mjeshtërve të tyre luftënxitës amerikanë”, përshkruan ai një fotografi të publikuar.
Gazmend Pula ka shërbyer si ambasador i Kosovës në Shqipëri në vitet 2009-2010.
Në aktin e dorëheqjes, Pula kishte njoftuar se po hiqte dorë nga kjo detyrë për shkaqe shëndetësore.
Të tjera
-
Sot mbahen zgjedhjet për president në Maqedoni të Veriut, në garë shtatë kandidatë
Qytetarët e Republikës së Maqedonisë së Veriut sot nga ora 7 deri në 19 do të...
-
Rohde: Për t’u anëtarësuar në KiE, Kosova duhet të bëjë “hapa të prekshëm” për Asociacionin
Ambasadori i Gjermanisë në Kosovë, Jorn Rohde, ka thënë se Kosova duhet të bë...
-
Ja emrat e dekanëve të rinj të Universitetit të Prishtinës
Dje, në Universitetin e Prishtinës, është zhvilluar procesi i zgjedhjes së de...
-
Kurti: Besojmë që Franca ta mbështesë Kosovën në KiE pa parakushte
Kryeministri i Republikës, Albin Kurti ka thënë se në bisedën e sotme telefon...
-
U kërcënua se mbështeti Kosovën në KiE, i ofrohet mbrojtje policore deputetit boshnjak
Policia e Bosnje dhe Hercegovinës, i ka ndarë mbrojtje të afërt deputetit, Sa...
-
Mot me diell dhe vranë, temperaturat shënojnë rritje
Për të mërkurën në Kosovë parashikohet të mbajë mot me vranësira dhe interval...
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...
-
Pasuria e Vjosa Osmanit – Baton Haxhiu: Ajo e Prindoni duan të ikim në Australi
Gazetari Baton Haxhiu teksa po diskutonte pasurinë e presidentes Osmani në Pr...