Lajme

Ischinger për takimin në Ohër: Dy palët duhet të bëjnë një hap mirëbesimi menjëherë, sot

Autori: Gazeta inFokus 19:18 | 18 March 2023

Negociatat mes Kurtit dhe Vuçiqit po vazhdojnë edhe pas më shumë se tetë orësh, ndërsa ish-diplomati gjerman, Wolfgang Ischinger, shpreson që ata të kenë marrë dëgjuar e tij për ta bërë një pikë kthese dhe të arrijnë një marrëveshje.

Ischinger reagoi, pasi që ish-ministri kosovar, Petrit Selimi, ka shkruar në Twitter se si as pas tetë orësh nuk ka ndonjë lajm se çka ndodhi në bisedimet mes Kryeministrit Albin Kurti dhe Presidentit serb, Aleksandër Vuciq në Ohër të Maqedonisë Veriore.

“Asnjë lajm pas më shumë se tetë orësh diskutimesh në Ohër mes liderëe të Kosovës dhe Sergbisë, i ndërmjetësuar nga kryediplomati i BE-së, Josep Borrell, dhe emisari Miroslav Lajcak. Emisari amerikan Escobar është aty, gjithashtu”, ka shkruar Selimi.Ischinger e ka shpërndarë këtë postim, duke risjell vëmendjen te një shkrim që ai e ka botuar dje në Politico.

“Shpresoj që apeli im në Politico nuk u botua më kot: dy palët duhet të bëjnë një hap mirëbesimi menjëherë –sot”, ka shkruar ish-diplomati gjerman.Në shkrimin e tij në Politico, Ischinger i ka kërkuar Kurtit dhe Vuçiqit që ta shfrytëzojnë këtë rast dhe të arrijnë një marrëveshje tani.

 

Agon Gashi në mesin e 100 Liderëve të Rinj Global: Përzgjedhet në gjeneratën e vitit 2023 nga Forumin Ekonomik Botëror…

Të tjera

Fokusi

lajme