Isa Mustafa e godet edhe njëherë Albin Kurtin: Qeveria e shkarkuar po bënë veprime të rrezikshme, na duhet qeveri e përgjegjshme
Autori: Gazeta inFokus 18:14 | 04 April 2020
Lideri i LDK-së, Isa Mustafa edhe njëherë e ka goditur kryeministrin e shkarkuar, Albin Kurti.
Në një letër dërguar anëtarëve të Këshillit të Përgjithshëm, Kryesisë dhe kryetarëve të Degëve, Mustafa ka shkruar se Qeveria e shkarkuar po ndërmerr veprime të rrezikshme.
“Vendi ka nevojë për një qeveri të përgjegjshme. Vendi ka nevojë të koncentrohemi në këtë tragjedi që e kaploi gjithë botën”, ka shkruar ai.
Njoftimi i plotë:
Të nderuar, bashkangjitur keni nje mesazh nga Kryetari Mustafa:
Të nderuar anëtarë të Keshillit të Përgjithshëm, të Kryesisë dhe kryetarë të degëve të LDK-së;
Të nderuar deputetë, ministra dhe kryetarë të komunave, nga LDK;
Gjendja e krijuar me Pandeminë Covid-19 nuk po na lejon të tubohemi dhe të komunikojmë për gjendjen aktuale.
Duhet të punojmë me anëtarësinë dhe me qytetarë, që të respektohen të gjitha masat për ta fituar betejën me këtë virus dhe për të shpëtuar çdo jetë njeriu.
Qëndrojmë në shtëpi, komunikojmë nga shtëpia, punojmë aq sa mundemi nga shtëpia dhe në kohën e lejuar, por nuk duhet të rrezikojmë as veten dhe as të tjerët.
Si Kryetar i LDK-së nuk i kam tërhequr ministrat e LDK-së nga Qeveria në këtë kohë Pandemie. Për aq sa munden dhe sa u ipet hapësirë ata do të punojnë në shërbim të qytetarëve. Roli i tyre, për sa janë pjesë e Qeverisë në dorëheqje, është të ndihmojnë në betejën për të mposhtur Covid-19. Ashtu siç, konsideroj se, do duhej të ishte edhe roli i gjithë Qeverisë në dorëheqje. Ne nuk jemi aty të shkarkojmë borde e të emërojmë njerëz të VV-së. As të krijojmë monopole jokushtetuese. Prandaj ministrat tonë po i përmbahen rolit dhe përgjegjësisë së tyre, kurse kryetarët e komunave po e bëjnë një punë shumë të mirë. Punë vetëmohuese po bëjnë edhe të gjithë punonjësit shëndetësor.
Vendi ka nevojë për një qeveri të përgjegjshme. Vendi ka nevojë të koncentrohemi në këtë tragjedi që e kaploi gjithë botën.
VV, jo vetëm që shkaktoi rrëzimin e qeverisë në këtë kohë por po vazhdon me veprime të rrezikshme të shumicës së saj qeveritare. Po demaskohet me aspirata të qeverisjes njëpartiake; Me shkelje të paskurpullta kushtetuese dhe ligjore; me monopolizim partiak te kompanive publike. Ne i kemi vërejtur me kohë këto tendenca, por kemi vlerësuar se i tejkalojmë. Ata po zhvillojnë një fushatë të paparë kundër LDK-së. Ne do tu pergjigjemi me argumente për të gjitha veprimet e dëmshme të tyre. Nuk do të lejojmë që qytetarët dhe anëtarësia jonë të ndikohen nga një fushatë e rreme dhe e orkestruar kundër nesh.
Do të punojmë që, duke respektuar procedurat kushtetuese, sa më shpejtë të themelohet një qeveri e cila do ta merr përgjegjësine e plotë, do të krijojë unitet të nevojshëm institucional, për tu përballur me Covid-19, për tu përballur me dialogun dhe për tu përballur me rimëkëmbien ekonomike.
Është dëm i pakompensueshëm për vendin mbetja në detyrë e kësaj qeverie dhe e kësaj mendësie politike edhe për një kohë.
Kryetari i LDK-së
Isa Mustafa
Të tjera
-
Vuçiq në konferencën e përbashkët me O’Brien: Kosova do të shpërblehet me anëtarësim në KiE
Presidenti i Serbisë, Aleksandar Vuçiq, është ankuar në konferncën për media ...
-
O’Brien: Kam punuar si i ri në hetimin e krimeve të luftës në Srebrenicë, duhet të përballemi me të vërtetën
Ndihmëssekretari amerikan i Shtetit për Europën dhe Euroazinë, James O’Brien,...
-
Një grua nga Prishtina raporton se një burrë ia ngẚcmoi ṣeksualisht vajzën, dërgohet në mbajtje i dyshuari
Një nënë nga Prishtina ka raportuar në Polici se një burrë ia ka ngacmuar sek...
-
O’Brien pas takimit me Vuçiq: Do të bëjmë gjithçka në dorën tonë për përmbushjen e zotimit për Asociacionin
Ndihmëssekretari amerikan i Shtetit për Evropën dhe Euroazinë, James O'Brien,...
-
Tahiri: Kurti e shkeli Kushtetutën, e pranoi Asociacionin pa u skuqur fare
Ish-kryenegociatorja e Kosovës në dialogun me Serbinë, Edita Tahiri, ka thënë...
-
Nis takimi O’Brien – Vuçiq, Presidenti serb thotë se ky është një takim i vështirë
Presidenti serb, Aleksandar Vuçiq, ka nisur takimin me James O’Brien, Ndihmës...
-
Nisin zgjedhjet në Indi: 969 milionë njerëz kanë të drejtë vote
Vendvotimet u hapën të premten në fazën e parë dhe më të madhe të zgjedhjeve ...
-
Analisti amerikan Daniel Serwer tregon arsyet për të cilat Serbia i frikësohet anëtarësimit të Kosovës në KiE
Serbia është aktualisht e angazhuar në një fushatë të egër për të bllokuar an...
-
Von Cramon optimiste për anëtarësimin e Kosovës në KiE, por tregon çka kërkojnë disa shtete
Raportuesja për Kosovën në Parlamentin Evropian, Viola von Cramon, është opti...
-
Votimi për largimin e kryetarëve në veri, KQZ mban mbledhje në ora 14:00
Komisioni Qendror i Zgjedhjeve do të mbajë sot mbledhje, me fillim nga ora 14...
-
Shefi i CIA-s: Ukraina mund të humbë pa ndihmën e SHBA
Shefi i CIA-s paralajmëroi se Ukraina mund ta humbasë luftën pa ndihmën e SHB...
-
Bilall Kasami: Një telefonatë se Serbia po bën manovra në kufi me Kosovën, ia pamundësoi Kurtit ardhjen në Berlin
Përfaqësues së koalicionit VLEN që po garon në zgjedhjet e Maqedonisë së Veri...