Lajme

IPK jep detaje për arrestimin e 26 policëve

Autori: Gazeta inFokus 15:28 | 08 April 2022

Inspektorati Policor i Kosovës me urdhër të Prokurorisë Speciale ka realizuar sot operacionin e koduar me emrin “Pika 2” që ka filluar qysh në orët e hershme të mëngjesit në Prizren respektivisht në pikë kalimin kufitar në Vërmicë, shkruan Gazeta Infokus.

Në këtë aksion u arrestuan 26 zyrtarë policorë të dyshuar për keqpërdorim të detyrës zyrtare dhe marrje të ryshfetit.

“Bazuar në këto veprime të suksesshme hetimore, IPK në kuadër të operacionit “Pika 2” ka arrestuar sot 26 zyrtarë policorë (duke përfshirë dy rreshterë policorë dhe 24 zyrtarë policorë), që të gjithë të dyshuar për veprat penale “keqpërdorim i detyrës apo autoritetit zyrtar” “marrje e ryshfetit”
Nga realizimi i veprimeve hetimore nga hetuesit e IPK-së ekziston dyshimi i bazuar se të arrestuarit në këtë rast janë të involvuar në veprimtari kriminale të veprës penale të “marrjes së ryshfetit” dhe “keqpërdorimit të detyrës apo autoritetit zyrtar””, thuhet në njoftimin e IPK-së.

-Advertisement-

Gjithashtu, IPK ka rekomanduar suspendimin e tyre nga detyrat e punës.

“Hetimi ka përfshirë edhe bashkëpunimin me SPAK-un (Struktura e Posaçme kundër korrupsionit dhe krimit të organizuar e Republikës së Shqipërisë) Agjencinë për Mbikëqyrje Policore – AMP-së (agjencia homologe e IPK-së në Shqipëri) që ka rezultuar me arrestimin e disa të dyshuarve edhe në Republikën e Shqipërisë”, thuhet tutje në njoftimin e Inspektoratit Policor./Gazeta Infokus.

Subscribe në YouTube: GAZETA INFOKUSI