FOKUSI NË BUJQËSI

Investimet e Ministrisë së Bujqësisë po rrisin prodhimtarinë bujqësore

Autori: Gazeta inFokus 21:12 | 18 June 2019

Investimet e Ministrisë së Bujqësisë dhe donatorëve gjerman po arrijnë që ta zhvillojnë sektorin e bujqësisë, duke ndikuar kështu në fuqizimin e mëtejmë të këtij sektori dhe duke gjeneruar vende të reja të punës.

Kështu është thënë sot gjatë vizitës që zëvendësministri i MBPZHR-së, Mevludin Krasniqi bashkë me Sekretarin e Përgjithshëm të ministrisë, Kapllan Halimi dhe Ambasadorin e Gjermanisë në Kosovë, Christian Heldt i kanë bërë Iniciativës për Zhvillimin e Bujqësisë së Kosovës (IADK) dhe Qendrës Edukuese të Fermerëve në Komunën e Vushtrrisë.

Me këtë rast, zëvendësministri Krasniqi ka theksuar se IADK-ja me punën dhe përkushtimin e stafit profesional, përmes donacioneve nga GIZ – CETEP dhe partnerët tjerë gjerman, ka mbështetur dhe po vazhdon të mbështesë qindra fermer të vegjël anekënd vendit në zhvillimin e bujqësisë në përgjithësi, e sidomos sektorin e bimëve aromatike mjekësore dhe atë të frutave të malit nē veçanti.

-Advertisement-

“Produktet Made in Kosova, bimët aromatike mjekësore dhe frutat e malit suksesshëm kanë depërtuar në tregjet europiane, ku eksporti i tyre në vendet e rajonit dhe Europës ka arritur në 95%”, ka thënë Krasniqi.

Gjatë kësaj vizite, ai ka falënderuar donatorët gjerman dhe stafin e IADK-së për angazhimin e tyre në fuqizimin e bujqësisë në Kosovë.

Me këtë rast, ata kanë vizituar edhe disa fermer përfitues të granteve investive në Studime të Epërme dhe të Poshtme të Vushtrrisë.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera