Interesim i madh për testim në IKSHPK, kjo është gjendja me pandemi në Kosovë
Autori: Elvira Haxhiu 12:15 | 19 January 2022
Interesimi për bërjen e testeve për Covid-19 u rrit këtë javë gjithandej Kosovës.
Kjo pas rritjes së numrit të të infektuarve me koronavirus.
Që nga fillimi i javës në oborrin e Institutit Kombëtar të Shëndetësisë Publike në Kosovë, po krijohen radhë të gjata të pritjes për testim me COVID-19.
E njëjta gjë ndodhi edhe këtë mërkurë, ku oborri IKSHP u mbush nga fluksi i madh i qytetarëve të cilët po presin për t’u testuar, shkruan Gazeta Infokus.
Nga IKSHPK-ja për Gazetën Infokus kanë thënë se pritja në radhë është në varësi nga numri i qytetarëve që kërkojnë testim.
Por, sipas tyre kjo varet edhe nga kapacitet që ka IKSHPK.
“Pritja në radhë për testim është në varësi nga numri i qytetarëve që kërkojnë testim, në të njëjtën kohë dhe kapacitetet që ka IKSHPK”, kanë thënë nga IKSHPK.
Gjithashtu, nga ky institut kanë thënë se janë duke i shfrytëzuar të gjitha kapacitetet që i kanë në dispozicion për testim të të gjithë qytetarëve që kërkojnë të testohen.
Që nga java e kaluar numri i rasteve me COVID-19 në Kosovë ka shënuar rritje alarmante. Vetëm të martën, janë kryer 4 mijë e 785 testime, ku 720 persona rezultuan pozitiv me këtë virus.
Ndërsa, 159 persona u shëruan nga koronavirus.
Nga ministria e Shëndetësisë kanë njoftuar se aktualisht në Kosovë janë 5 mijë e 678 raste aktive me koronavirus.
Ndërkaq, gjatë muajit janar nga ky virus kanë vdekur katër persona.
Edhe pse numri i të infektuarve është duke u rritur çdo ditë e më shumë, nga Ministria e Shëndetësisë ende nuk është marrë ndonjë vendim për ashpërsim të masave.
Nga kjo ministri për Gazetën Infokus kanë thënë se mekanizmat anti-Covid janë duke e trajtuar rregullisht situatën epidemiologjike, për të parë nëse ka nevojë për të vendosur masa shtesë apo të fuqizohen përmes mbikëqyrjes më të fortë masat në fuqi.
“Deri në çfarëdo mase tjetër, është me rëndësi të zbatohen këto që janë në fuqi dhe popullata të vaksinohet”, thuhet në përgjigjen e MSH-së.
Gjithashtu nga kjo ministri bëjnë me dije se kapacitetet spitalore janë të gatshme për të përballuar ndonjë fluks më të madh të rasteve që kërkojnë tretman klinik.
“Vaksina janë siguruar për të gjithë, kapacitetet spitalore janë të gatshme për të përballuar ndonjë fluks më të madh të rasteve që kërkojnë tretman klinik, çdo ditë gjurmohen dhe testohen mijëra qytetarë dhe zhvillohen aktivitete në zbatim të vendimeve që lidhen me COVID-19”, kanë thënë nga dikasteri i Shëndetësisë.
Ndërkaq, nga Ministria e Shëndetësisë kanë njoftuar se gjate javës, përveç trupave të tjerë, do të mblidhet edhe Komiteti për vlerësim dhe koordinim të situatës me COVID-19, për të shqyrtuar propozimet për masa tjera eventuale./Gazeta Infokus/
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...