Lajme

Inteligjenca ukrainase alarmon perëndimin, Putin po planifikon sulm në Çernobil

Autori: Gazeta inFokus 13:18 | 11 March 2022

Inteligjenca ukrainase ka paralajmëruar se presidenti Putin është duke planifikuar një sulm në centralin bërthamor të Çernobilit.

Sipas inteligjencës së Ukrainës forcat ruse që e kontrollojnë centralin nuklear do të përpiqen që t’ia mveshin sulmin e mundshëm ushtrisë ukrainase, raporton Gazeta Express.

“Sipas informatave që posedojmë Vladimir Putin është duke përgatitur një sulm terrorist në centralin bërthamor në Çernobil. Krijimi i një katastrofe teknologjike e planifikuar dhe e kontrolluar nga forcat ruse që gjenden në centralin bërthamor përgjegjësinë për të cilën okupatorët do të tentojnë t’ia mveshin Ukrainës”, thuhet në një postim të inteligjencës ukrainase në Facebook.

-Advertisement-

Sipas inteligjencës ukrainase dështimin që po e pëson në terren Putin është gati që ta shantazhojë botën me centralin bërthamor.

“Por, pa marrë rezultatin e dëshiruar nga operacioni ushtarak tokësor dhe negociatat e drejtpërdrejta, Putin është gati të angazhohet për shantazhin bërthamor ndaj komunitetit botëror përshkak të veprimeve për të mbështetur Ukrainën”, thuhet tutje.

Subscribe në YouTube: GAZETA INFOKUSI