Auto&Tech

Instagrami i bindet censurës ruse

Autori: Gazeta inFokus 10:46 | 16 Shkurt 2018

Instagrami bllokoi disa postime në Rusi që pasqyronin akuza për korrupsion të shprehura nga lideri më i njohur i opozitës në vend.

Vendimi i Instagramit pasoi kërkesën e censurës së internetit të Rusisë, e cila i kërkoi kësaj media sociale, që zotërohet nga Facebook, që të kufizojë aksesin në postimet që kanë lidhje me akuza të bëra nga Aleksei Navalni. Ky i fundit nuk lejohet që të marrë pjesë në zgjedhjet presidenciale në Rusi dhe mediat sociale i përdor si një mënyrë kryesore komunikimi, pasi televizionet ruse zakonisht ngurrojnë ta pasqyrojën aktivitetin e tij.

Në një postim në Twitter, Navalni akuzoi Instagramin se iu dorëzua një kërkese ilegale të censurës dhe se krerëve të kompanisë duhet t’i vijë turp për këtë. Një zëdhënës i Facebook tha se kompania pranoi kërkesën e autoriteteve ruse sepse e gjykoi të arsyeshme.

-Advertisement-

Duket se biznesi ka prioritet për Instagramin dhe rrjedhimisht Facebookun, pasi Rusia është një nga tregjet më të mëdha të këtyre platformave. Sidoqoftë, për të bërë dallimin, vendimi i Instagramit është plotësisht në kontrast me atë të Youtube. Shërbimi video i Google mori kërkesë nga regullatori rus i komunikimeve Roskomnadzor që të heqë një video të publikuar nga Navalni që denonconte korrupsionin, por Youtube injoroi plotësisht kërkesën.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

tech

Ky website përdor cookies. Duke vazhduar përdorimin, ju pranoni përdorimin e tyre.

Privacy policy