Auto&Tech

Instagram zbulon veçoritë e reja të filtrimit të mesazheve

Autori: Gazeta inFokus 21:08 | 04 November 2024

Ndryshime të reja po vijnë për përdoruesit e Instagramit këto ditë.

Rrjeti social njoftoi gjatë fundjavës se një grup i ri mjetesh që e bëjnë filtrimin e mesazheve shumë më të lehtë do t’u hapë rrugën përdoruesve të Instagramit.

Bëhet e ditur se mjetet e reja do të shtojnë aftësinë për të renditur dhe filtruar mesazhet sipas numrit të ndjekësve e llogarive të verifikuara, shkruajnë mediat e huaja, përcjell Telegrafi.

-Advertisement-

Adam Mosseri, kreu i Instagram, shpjegoi së fundmi ndryshimet e reja në një postim: “Pra, ajo që kemi bërë është shtimi i mënyrave për të filtruar kërkesat për të parë vetëm ato që po kërkoni. Ka shumë më tepër për të bërë. Por shpresojmë se ky është një hap në drejtimin e duhur”.

Këto janë vetëm disa nga ndryshimet e para të mëdha që vijnë në DM të aplikacionit, por Instagram premtoi të vazhdojë të ofrojë veçori dhe përmirësime të reja në këtë aspekt shumë të rëndësishëm të aplikacionit të tij.

Subscribe në YouTube: GAZETA INFOKUSI