Në konferencën për 50-vjetorin e themelimit të Akademisë së Shkencave që po mbahet në Kuvend kryeministri Edi Rama u ndal tek historia dhe gjuha shqipe, duke nënvizuar dhe disa probleme me të cilat ajo ndeshet sot. Sa i takon gjuhës, kreu i qeverisë theksoi se ajo po shpërdorohet në mënyrën totale. “Askush nuk e ka mendjen të shkruajë saktë- tha Rama- por të gjithë e kanë mendjen të bëjnë “sent” sa më shpejt.

“Është e kërcënuar historia e shqiptarëve nga një injorancë e pashembullt që për shumë vite e ka kthyer mënjasinë e Akademisë së Shkencave në një territor anësish politike dhe në një arenë ekstermizmash që gjejnë rrugë për shkak se bota e komunikimit është një botë që nuk ka respekt për asnjë hierarki.

Ne jemi në kushtet kur është e pasigurt nëse mund ta shkruajmë apo jo një histori të shqiptarëve, duke e pasuruar, por jo duke u ndarë për a konstestuar.

Ashtu sikurse gjuha shqipe është e kërcënuar si asnjëherë më parë. Ata që thuhen në gjuhën shqipe në rendin e pavërtetë pseuagademik janë vetëm maja e një ajsbergu që po e gërryen gjuhën nga poshtë përmes shpërdorimit total të saj në një botë komunikimi ku askush nuk e ka mendja sa saktë i shkruan fjalët por e ka mendjen të bëjë “send” sa më shpejt”, tha kreu i qeverisë.

Kryeministri vlerësoi akademinë duke thënë se gjatë kohës së komunizmit ishte një institucion që qëndronte i mënjanuar nga ndikimi politik.

“Falë reformës së vitit 2019 e cila u realizua nën një ndërveprim të udhëhequr nga Akademia e Shkencave dhe përsëri edhe kjo u realizua në lidershipin e Skënder Gjinushit, imagjinojeni sa domethënëse është kjo. Përsëri duhet dikush i asaj kohe akademike që të garantoj këtë kohë kaotike me shpresën që do të kemi dhe ne kohën tonë akademike. Sot akademia nga një vend i pashpresë përshpirtjesh, ku mbledhjet më të rëndësishme ishin ato që i jepnin lamtumirën ndonjërit që ikte në botën tjetër është kthyer në një hapësirë që po mbillen fidanët e të nesërmes”, tha Rama.

Gjithashtu ai shtoi: “Akademia edhe në atë kohë aq të zymtë në aspektin e lirisë qëndronte mënjanë nga ndikimi politiko shoqëror i vendit. Një ndër episode që do të doja të rikujtoja është fjalimi i lamtumirës së Aleks Budës në varrimin e Selman Rizës.

Thuhet se ky akt i Aleks Budës si dhe prania në varrimin e gjuhëtarit bëri bujë qoftë në institute qoftë në mjedisin politik. Por qëndrimi i profesor Budës ishte një sfidë ndaj regjimit por një shprehje e mënjanësisë së akademisë në nderim të dijes dhe rrugës së shkencës. Një nderim për një punë kolosale siç ishte puna e Selman Rizës kushtuar kombit. Para 90-ta ishte koha kur liria ishte e kufizuar dhe mundësitë e njerëzve të shkencës ishin tepër të ngushta. Por krahasimi para dhe pas 90-ës e bën pas 90-ën të ndihet jo mirë përpara atyre veprave dhe figurave. Në këndvështrimin tim tu them të drejtën kur vizitoja Akademinë e Shkencave pas 90-ës dhe dëgjoja ato kërcëllitjet e parketit të vjetër më duket sikur ishte Eqerem Çabej që përdridhej në varr. Një tregues për gjendjen e atij institucioni.”

Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Sponsoruar