Lajme

Inflacioni në Turqi, më i larti në 24 vjetët e fundit

Autori: Gazeta inFokus 10:25 | 03 October 2022

Inflacioni vjetor në Turqi ka arritur në 83.5 për qind – shkalla më e lartë në 24 vjetët e fundit.

Kjo situatë ka goditur konsumatorët që veçse po përballen me çmimet të larta të energjisë dhe produkteve ushqimore.

Instituti turk i Statistikave ka thënë se çmimet e konsumatorëve janë rritur për 3.08 për qind për dallim nga muaji i kaluar.

-Advertisement-

Ekspertët besojnë se inflacioni është më i lartë sesa paraqitet në statistikat zyrtare.

Grupi i pavarur për Kërkime rreth Inflacionit ka thënë të hënën se inflacioni në Turqi ka shkuar në 186.27 për qind.

Banka Qendrore e Turqisë ka zvogëluar edhe një herë normën e interesit, pavarësisht rritjes së çmimeve.

Lira turke ka humbur më shumë se 50 për qind të vlerës që ka kundrejt dollarit amerikan prej kur Banka Qendrore e Turqisë ka nisur të ulë normat e interesit vitin e kaluar.

Lufta e Rusisë në Ukrainë dhe rënia e vlerës së lirës kanë nxitur inflacionin në këtë shtet.

Ekonomistët besojnë se në rritjen e inflacionit në Turqi kanë ndikuar edhe politikat e presidentit turk, Recep Tayyip Erdogan, i cili beson se ulja e normës së interesit ndikon në ulje të çmimeve, ndonëse teoritë ekonomike flasin për qasje të kundërt.

Bankat qendrore në shumë vende të botës, përfshirë ato në Shtetet e Bashkuara dhe Mbretërinë e Bashkuar kanë rritur së fundi normat e interesit me qëllim të luftimit të inflacionit./rel

Subscribe në YouTube: GAZETA INFOKUSI
Etiketa:
Coffee Show B2B në Zagreb nga Devolli Corporation
-Advertisement-

Të tjera

Fokusi

lajme