Lajme

Infermierët paralajmërojnë grevë

Autori: Gazeta inFokus 15:57 | 26 March 2022

Sindikata e Infermierëve të Kosovës ka njoftuar se me 5 prill do të mbahet grevë para objektit të Drejtorisë së Shërbimit Spitalor, Klinik e Universitar të Kosovës, shkruan Gazeta Infokus.

Sipas kësaj sindikate, kjo protestë do të mbahet për shkak të dështimit për reflektim ndaj kërkesave të komuniteteve infermier, mami dhe profesionistë tjerë shëndetësor nga ana e Ministrisë së Shëndetësisë, respektivisht dështimit për t’u përgjigjur në kërkesat e kësaj Sindikate.

Kërkesat e Sindikatës janë koeficienti i pagave të jetë 7.1 për të gjithë infermierët, mamitë dhe profesionistët tjerë shëndetësor, bazuar në tabelaren e koeficientëve e cila u publikua së fundi, respektivisht 70% e pagës së mjekut, ashtu siç ishte dhe është deri më sot.

-Advertisement-

“Në konsultim me organet e Sindikatës së Infermierëve të Kosovës, Kryesinë, Këshillin Drejtues dhe Këshillin për Protesta dhe Greva, bazuar në Ligjin mbi Grevat nr. 03/ L- 200 dhe Ligjin mbi Organizimin Sindikal në Republikën e Kosovës Nr. 04/L-011, në vazhdën e masave dhe veprimeve sindikale, me datë 05/04/2022, e Marte do të zhvillohet aktiviteti sindikal “GREVË PARALAJMËRUESE”.
Greva do filloj në orën 08:00 deri në 09:00, ndërsa ftohen të gjithë anëtarët e Sindikatës së Infermierëve të Kosovës që të mblidhen para objektit të Drejtorisë së SHSKUK-së”, thuhet në njoftimin e Sindikatës së Infermierëve./Gazeta Infokus/

Subscribe në YouTube: GAZETA INFOKUSI