Infektologu Ramadani jep lajmin shpresdhënës sa i përket virusit Covid-19
Autori: Gazeta inFokus 23:21 | 22 January 2022
Po bëhen gati dy vjet që kur Kosova, si gjithë bota, po përballet me pandeminë COVID-19. Masat për luftimin e përhapjes së kësaj sëmundjeje kanë ndryshuar disa herë , teksa së fundmi Qeveria e Kosovës ka marrë vendim që t’i shtrëngojë më shumë ato.
Pavarësisht se masa anti-COVID pati edhe më herët, ato nuk janë respektuar siç duhej, çka po shihet edhe si shkas kryesor për rritjen alarmante të rasteve.
“Coronavirusi nuk do të zhduket, por ky vit do të jetë fillimi i fundit të pandemisë”, ka deklaruar infektologu Hamdi Ramadani në një prononcim për Telegrafin.
Ndërkaq duke folur për masat e marra për luftimin e përhapjes së coronavirusit, Ramadani tha se duhet të merret me shumë seriozitet respektimi i tyre, jo vetëm nga qytetarët por edhe nga organet përgjegjëse.
Sipas tij, masa ka pasur edhe para se të rriteshin rastet, por që janë neglizhuar dhe prandaj situata është rënduar dukshëm.
“Duke marrë parasysh që interesimi i qytetarëve ishte relativisht i ulët për të mos thënë fare, pasi masat nuk u respektuan fare as deri më tani, nuk ishin të përgjegjshëm për shëndetin e tyre, të familjeve të tyre. Por, edhe vet institucionet duhet që masat e marra nga Qeveria e Kosovës, të kujdesen që të zbatohen me përpikëri, këto u neglizhuan dhe ka qenë plotësisht e pritshme të kemi situatë të rënduar, një valë të re kjo që është Omicron, që është dominonte, me mbi 90 për qind”, tha Ramadani.
Megjithatë, Ramadani tha se masat që janë miratuar janë sensibilizuese, por që nuk pritet që situata të përmirësohet shpejt.
“Më serioze duhet të jetë pjesa që të respektohen me përpikëri. Kjo situatë nuk do të kalojë shpejt, për shembull për një javë apo dy, por ideja është që të mund të zvogëlohen rastet dhe kjo shkallë kaq e lartë e infektimit”, theksoi ai.
Sipas tij, është fat i mirë që varianti Omicron nuk po paraqitet në forma të rënda, por kjo nuk do të thotë se kjo nuk do të ndryshojë pas disa jave.
“E mira është që tash për tash varianti Omicron nuk po paraqet tablo klinike të rëndë, ose me ndërlikime të mëdha serioze. Por, kjo nuk do të thotë që në javët e ardhshme nuk do të shfaqet në forma më të rënda e agresive”, tha Ramadani.
Sipas tij, asnjë grupmoshë nuk është e mbrojtur nga varianti Omicron i coronavirusit, por janë të mbrojtur ata që kanë marrë tri doza të vaksinës anti-COVID.
“Mbi të gjitha përgjegjësia e qytetarëve, e popullit është alfa dhe omega, respektimi i distancës, higjiena, mbajtja e maskës e distancës, që të ndalet kjo valë, pasi po përfshihen të gjitha moshat, nuk është askush i mbrojtur. I vetmi person që është i mbrojtur është ai që i ka marrë tri doza të vaksinës anti-COVID”, tha ai.
Ramadani u ka bërë thirrje edhe institucioneve përgjegjëse që të kujdesen që masat të respektohen.
“Masat që u rishikuan kanë pak një lëvizje nga ato të mëparshmet, si ora policore dhe orari i punës së gastronomisë. Por, krejt kjo do të ndikojnë vetëm nëse respektohen masat e marra që janë në fuqi, kjo edhe nga qytetarët, por edhe institucionet që duhet të kujdesen që ato masa të respektohen në përpikëri”, tha Ramadani.
Tutje, ai shtoi se nuk duhet assesi të lejohen grumbullimet nëpër qendra tregtare, ose takime pa maska, distancë e masa tjera.
“Metoda punës në distancë, qoftë në shkolla apo fakultete, apo edhe në punë, mendoj që do ta ketë një lloj efekti që ta zbus situatën e rëndë, sepse është shqetësuese tash situata”, tha ai.
Ramadani theksoi se vetëm doza e tretë e vaksinës është e vetmja rrugë për ta luftuar variantin Omicron.
“Tri doza të vaksinës është vërtetuar se e neutralizojnë variantin Omicron, i cili ka paraqitur rezistencë në dy dozat e para të vaksinës anti-COVID”, theksoi Ramadani.
Kosova sot ka shënuar rekord të rasteve me coronavirus, ku në 24 orët e fundit janë konfirmuar 3 mijë e 206 raste të reja.
Ministria e Shëndetësisë ka njoftuar se nga 11.883 testime, 3.206 qytetarë kanë rezultuar pozitiv me virusin COVID-19.
Megjithëse ditëve të fundit ka një rritje alarmante të rasteve me COVID-19 në Kosovë, ku dominues është varianti Omicron, nëpër klinikat e QKUK-së dhe spitalet rajonale situata vazhdon të jetë e qetë. Njëra ndër kategoritë që mund të konsiderohet si e rrezikuar më shumë nga ky virus janë edhe gratë shtatzëna dhe lehonat.
Në Klinikën Gjinekologjike e Obstetrike të QKUK janë të shtrira 18 gra me COVID-19.
Drejtori i kësaj klinike, Jakup Ismaili në një prononcim për Telegrafin ka thënë se të gjitha pacientet janë në gjendje të mirë.
Të tjera
-
Këto janë gjetjet e Themelores së Prishtinës në rastin e “53 milionëshit”, ku Pal Lekaj u dënua me 3 vite e 8 muaj burgim
Me rastin e përpilimit të aktgjykimit në rastin e njohur si “53-milionëshi”, ...
-
Kryeministri Albin Kurti në Berlin më 25 prill, gazetari gjerman zbulon agjendën
Gazetari gjerman, Michael Martens, ka thënë se kryeministri Albin Kurti do të...
-
Ndërron jẻtë në QKUK burri që u aksidẻntua para rreth një jave në Prizren
Policia e Kosovës ka njoftuar se ka ndërruar jetë personi që ishte aksidentua...
-
Vuçiq në konferencën e përbashkët me O’Brien: Kosova do të shpërblehet me anëtarësim në KiE
Presidenti i Serbisë, Aleksandar Vuçiq, është ankuar në konferncën për media ...
-
O’Brien: Kam punuar si i ri në hetimin e krimeve të luftës në Srebrenicë, duhet të përballemi me të vërtetën
Ndihmëssekretari amerikan i Shtetit për Europën dhe Euroazinë, James O’Brien,...
-
Një grua nga Prishtina raporton se një burrë ia ngẚcmoi ṣeksualisht vajzën, dërgohet në mbajtje i dyshuari
Një nënë nga Prishtina ka raportuar në Polici se një burrë ia ka ngacmuar sek...
-
O’Brien pas takimit me Vuçiq: Do të bëjmë gjithçka në dorën tonë për përmbushjen e zotimit për Asociacionin
Ndihmëssekretari amerikan i Shtetit për Evropën dhe Euroazinë, James O'Brien,...
-
Tahiri: Kurti e shkeli Kushtetutën, e pranoi Asociacionin pa u skuqur fare
Ish-kryenegociatorja e Kosovës në dialogun me Serbinë, Edita Tahiri, ka thënë...
-
Nis takimi O’Brien – Vuçiq, Presidenti serb thotë se ky është një takim i vështirë
Presidenti serb, Aleksandar Vuçiq, ka nisur takimin me James O’Brien, Ndihmës...
-
Nisin zgjedhjet në Indi: 969 milionë njerëz kanë të drejtë vote
Vendvotimet u hapën të premten në fazën e parë dhe më të madhe të zgjedhjeve ...
-
Analisti amerikan Daniel Serwer tregon arsyet për të cilat Serbia i frikësohet anëtarësimit të Kosovës në KiE
Serbia është aktualisht e angazhuar në një fushatë të egër për të bllokuar an...
-
Von Cramon optimiste për anëtarësimin e Kosovës në KiE, por tregon çka kërkojnë disa shtete
Raportuesja për Kosovën në Parlamentin Evropian, Viola von Cramon, është opti...