Lajme

INDEP mban trajnimin “Qendra e Qëndrueshmërisë Ndër-komunale”, pjesë e tij ishin 28 zyrtarë komunal

Autori: Gazeta inFokus 16:58 | 13 May 2022

Instituti për Politika Zhvillimore (INDEP) ka mbajtur trajnimi tre ditorë “Qendra e Qëndrueshmërisë Ndër-komunale”, shkruan Gazeta Infokus.

Në këtë trajnim i cili u mbajt më datat 10, 11 dhe 12 maj, morën pjesë 28 zyrtarë komunal.

“Qendra e Qëndrueshmërisë Ndër-komunale” kishte për qëllim ngritjen e kapaciteteve të zyrtarëve komunal kundrejt Agjendës 2030, si dhe rrjetëzimin për arritjen e këtyre objektivave.

Në këtë trajnim morën pjesë katër komuna.

“Pjesë e trajnimit ishin përfaqësuesit e 4 komunave të përzgjedhura në Kosovë, konkretisht Drenasit, Fushë Kosovës, Obiliqit dhe Vushtrrisë. Sesionet e trajnimit prezantuan dhe shtjelluan temën e Agjendës 2030 dhe Objektivave të Zhvillimit të Qëndrueshëm (OZHQ)”, thuhet në njoftimin e INDEP.
Ky trajnim mblodhi ekspert të fushës në promovimin e Agjendës 2030 siç ishin ish Kryetarja e Bashkisë Shkodër, Voltana Ademi dhe eksperti, Fitim Mulolli.

“Folës në trajnim ishin edhe Dora Musa dhe Donikë Beqiri që shprehën përvojën e tyre në lidhje me lokalizimin e OZHQ-ve përkatësisht buxhetimin me OZHQ.

Ky projekt financohet nga Deutsche Gesellschaft für Internationale Zusammenarbeit (GIZ) GmbH në emër të Ministrisë Federale Gjermane për Bashkëpunim Ekonomik dhe Zhvillim (BMZ)”, thuhet në njoftimin e Institutit për politika Zhvillimore./Gazeta Infokus/

Të tjera