Lajme

INDEP ka një kërkesë të menjëhershme për qeverinë

Autori: Gazeta inFokus 17:14 | 21 August 2023

Instituti për Politika Zhvillimore (INDEP), ka kërkuar nga Qeveria e Kosovës alokimin e mjeteve financiare dhe vazhdimin e subvencioneve te masave të Fondi i Kosovës për efiçiencë të energjisë Zbatimi i masave të efiçiencës së energjisë për shtëpitë individuale të banimit”.

Përmes një komunikate nga INDEP thonë se duke vepruar kështu Kosova mund të ecë në rrugën e tranzicionit, integrimit evropian dhe në drejtim të përmirësimit të kualitetit të jetës për qytetarët.

“INDEP kërkon nga Qeveria e Republikës së Kosovës të ndërmarrë menjëherë masa duke konsideruar alokimin e mjeteve financiare shtesë për programin dhe zgjerimin e përkrahjes për qytetarët për projektin e zbatuar nga Fondi i Kosovës për efiçiencë të energjisë Zbatimi i masave të efiçiencës së energjisë për shtëpitë individuale të banimit”. Konkretisht, INDEP kërkon që Qeveria menjëherë të bëjë: Rritjen e subvencionimit prej 10 milionë eurosh të tjera nga Qeveria e Republikës së Kosovës për shtëpitë individuale, dhe Zgjerimin e skemës për biznese dhe sektor residencial”, thuhet në komunikatën e INDEP./Gazeta Infokus/

-Advertisement-

Subscribe në YouTube: GAZETA INFOKUSI