Lajme

Incizohet momenti i rrëzimit të aeroplanit në Nepal, 40 të vdekur

Autori: Gazeta inFokus 11:40 | 15 January 2023

Banorët në Pokhara të Nepalit kanë arritur të filmojnë momentet e fundit të avionit ATR 72 Yeti Airlines përpara se ai të përplasej në tokë dhe të shkaktonte vdekjen e të 40 pasagjerëve nga 72 që ndodheshin në bord.

Avioni i nisur nga Katmanduja do të ulej në aeroportin e Pokharas, për për shkaqe ende të paqarta ai u rrëzua, shumë pranë një zone të banuar, duke shmangur që tragjedia të merrte përmasa dhe më të mëdha.

Sipas të dhënave paraprake, në avioni dy-motorësh udhëtonin dhe 15 turistë të huaj.

-Advertisement-

Mjeti fluturues ra mbi një kodër dhe shumë civilë shkuan menjëherë në vendngjarje, por nuk mundën të bënin asgjë për pasagjerët, për shkak të flakëve të mëdha që shpërthyen pas përplasjes.