Mirënjohje të madhe po shpreh shteti shqiptare për ekipet kosovare që shkuan për të ndihmuar Shqipërinë pas tërmetit që goditi Durrësin me rrethinë.

Të mërkurën Presidenti i Shqipërisë, Ilir Meta, do të qëndroj në Kosovë, ku në Kazermën ushtarake “Adem Jashari” do të dekoroj institucionet kosovare që nuk kursyen asgjë për të ndihmuar të prekurit nga tërmeti, shkruan Gazeta Infokus.

Njësia e Task Forcës së Kombinuar të FSK, Njësiti K9 I FSK, Njësia Speciale Operative e Policisë së Kosovës, Njësitet e Zjarrfikëseve-KEK, Çeta e Shpëtimit nga Miniera e Trepçës, Çeta e Shpëtimit nga Miniera e Artanës, Njësia e zjarrfikësve nga Komuna e Suharekës do të nderohen me dekoratë nga presidenti i Shqipërisë Ilir Meta.

Gjatë kësaj ceremonie të gjitha këto njësi do të jenë prezentë në kazermë e ku edhe do të pranojnë mirënjohjen e lartë nga presidenti Meta, shkruan Gazeta Infokus.

Pas tërmetit që goditi Shqipërinë të martën e kaluar institucionet kosovare dhe shumë iniciativa qytetare u mobilizuan për të ndihmuar të prekurit nga tërmeti.

Termet që epiqendër kishte Durrësin për pasoj la të vdekur 51 persona q shumë të tjerë të lënduar.

Edhe dëmet materialë llogariten tejet të mëdha./Gazeta inFokus/