Lajme

IKShPK pranon aparatura të reja diagnostike në vlerë prej 360 272 dollarësh

Autori: Gazeta inFokus 23:15 | 17 August 2023

Në Institutin Kombëtar të Shëndetësisë Publike (IKShPK) sot është mbajtur ceremonia e pranimit të aparaturave të reja diagnostike në vlerë prej 360.272 dollarëve amerikanë të siguruara përmes UNICEF-it me mbështetjen e Misionit të USAID-it në Kosovë

Në ceremoni morën pjesë ministri i Shëndetësisë, Arben Vitia: ushtruesi i detyrës së drejtorit të misionit të USAID-it në Kosovë, Ken Collins; zëvendës-shefja e Zyrës së UNICEF-it në Kosovë, Larisa Brown; drejtori i IKSHPK-së, Naser Ramadani, dhe profesionistë shëndetësorë nga shërbimet përfituese.

Gjatë ceremonisë u tha se këto aparatura do të ndikojnë drejtpërdrejt në rritjen e kapaciteteve laboratorike për IKSHPK në Prishtinë, për të gjitha Qendrat Rajonale të Shëndetit Oublik të Kosovës dhe për Shërbimin e Mikrobiologjisë klinike në kuadër të Klinikës Infektive të QKUK-së. Ato do të përdoren për testim në SARS-CoV-2 me Real Time PCR, por gjithashtu edhe për testim edhe në patogjenë të tjerë infektivë si Influenza, HIV, HBV, HCV, Mycobacterium tuberculosis, etj.

-Advertisement-

Kontigjenti i aparatuarave përmban:

• Një GeneXpert RT PCR aparat me 16 module, për IKSHPK Prishtinë;
• Një GeneXpert RT PCR aparat me 8 module për Shërbimin e Mikrobiologjisë klinike, QKUK;
• Gjashtë GeneXpert RT PCR aparat me nga 4 module, për secilën Qendër Rajonale të Shëndetit Publik të Kosovës;
• 8 UPS (nga një për secilin aparat);
• 3200 SARS-CoV-2 teste në këto aparate;
• Garancion 3 vjeçar të funksionimit të aparaturave.

Subscribe në YouTube: GAZETA INFOKUSI