Lajme

IKSHPK njofton se nga java e ardhshme nis vaksinimi kundër gripit

Autori: Gazeta inFokus 11:04 | 08 October 2023

Instituti Kombëtar i Shëndetit Publik në Kosovë (IKSHPK) ka njofuar qytetarët se nga java e ardhshme do të nis vaksinimi kundër gripit.

IKSHPK thekson se vaksinimi është mënyra më e thjeshtë dhe më efektive për kontrollin dhe parandalimin e sëmundjeve serioze infektive.

“Po ashtu, pjesë e rëndësishme e përpjekjeve për të zbutur dhe ndaluar epidemitë dhe pandemitë e ndryshme. Nga java që vjen, në Kosovë fillon vaksinimi kundër Gripit. Personat e moshës mbi 65 vjeç, personat me sëmundje kronike, gratë shtatzëna dhe fëmijët mbi 6 muaj me imunitet të dobësuar, bëjnë pjesë në grupet e rrezikut që duhet vaksinuar së pari”, thuhet në njoftim.

-Advertisement-

Tutje, IKSHPK bën të ditur se tre vaksina të tjera: kundër Human Papilloma Virusit; Vaksina kundër Pneumokokut dhe Vaksina kundër Rotavirusit janë pjesë e Kalendarit të rregullt të vaksinimit (2023/2024) në Kosovë

“Nuk ka kohë për të humbur kur bëhet fjalë për shëndetin! Gjej 🏥 e vaksinimit në vendbanimin tuaj dhe vaksinohu!💉❤️ Vaksinohuni dhe ndihmoni në parandalimin e sëmundjeve! Nuk ka diçka më të rëndësishme se shëndeti yt dhe i familjes tënde”.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme