Instituti Kombëtar i Shëndetësisë Publike të Kosovës përmes një komunikate ka njoftuar për gjendjen e fundit rreth virusit COVID-19 në Kosovë, shkruan Gazeta Infokus.

Sipas kësaj komunikate thuhet se bazuar në analizën e situatës epidemiologjike në vend nga IKSHPK-ja kanë konstatuar se ka një rritje të rasteve pozitive me COVID-19.

“Bazuar në analizën e situatës epidemiologjike në vend, IKSHPK konstaton një rritje të rasteve të COVID-19 në mostrat e testuara ditëve të fundit, me dominim të simptomave respiratore në mesin e të prekurve. Gjatë periudhës 14 -19 gusht 2024, në IKSHPK janë raportuar 400 testime të kryera për SARS COV-2, prej të cilave 177 raste kanë rezultuar pozitiv, ndërsa Klinika Infektive e QKUK-së ka raportuar për 2 të vdekur gjatë kësaj periudhe nga COVID-19”, thuhet në njoftimin e IKSHPK-së.

Ndryshe kanë ritheksuar se vaksinimi vazhdon të jetë masë mbrojtëse efektive.

“IKSHPK rithekson se vaksinimi vazhdon të jetë masë efektive mbrojtëse, veçanërisht ndaj formave më të rënda të sëmundjes dhe, për shkak të zbehjes së imunitetit me kalimin e kohës, individët në rrezik më të lartë dhe sëmundje kronike, rekomandohet të vaksinohen”, thuhet tutje në njoftimin e tyre.

Ndryshe nga IKSHPK-ja kanë bërë të ditura edhe disa rekomandime për të u mbrojtur nga COVID-19.

“Mbajtjen e higjienës, veçanërisht të duarve, shmangien e kontakteve me personat e infektuar, shmangien e tubimeve të mëdha dhe sidomos ato në ambiente të mbyllura; Ngritjen e vigjilencës nga ana e punëtorëve shëndetësore me qëllim të mbrojtjes së shëndetit të qytetarëve dhe parandalimit të infeksioneve; Të respektohet bartja e maskave dhe mjeteve tjera mbrojtëse si dhe reduktimi i vizitave të familjarëve në institucionet shëndetësore që merren me trajtimin e rasteve me COVID-19; Rastet ambulantore dhe të hospitalizuara në ShSKUK, rekomandohet të analizohen nga ana e konziliumit të mjekëve; Personat me simptoma të testohen; Personat me imunitet të komprometuar të ri-vaksinohen!”, thuhet tutje.

Ndryshe në Klinikën Infektive të Qendrës Klinike Universitare të Kosovës janë duke u trajtuar 10 raste.

Kështu ka konfirmuar për Infokus drejtori i Klinikës Infektive Arben Vishaj.

“Për momentin 10 pacientë (me COVID-19), jemi duke i trajtuar, e testime po i bënë rregullisht Instituti i Shëndetësisë Publike”, ka thënë shkurt Vishaj për Infokus./Gazeta Infokus/

MYZHDE për krejt!

Sponsoruar