Lajme

IKSHPK ka një thirrje për qytetarët

Autori: Gazeta inFokus 13:12 | 27 January 2024

Në Kosovë aktualisht nuk ka raste të regjistruara të fruthit, ka njoftuar Instituti Kombëtar i Shëndetësisë Publike i Kosovës.

Njoftimi i Institutit vjen pasi Organizata Botërore e Shëndetësisë (OBSH) ka lëshuar ditëve të fundit një paralajmërim për përhapjen e fruthit në Evropë. Numri i rasteve është rritur për 30 herë në muajt e fundit në rajonin europian, që përbën një rritje shqetësuese.

Po ashtu, raste të fruthit janë regjistruar edhe në vendet e rajonit.

-Advertisement-

Fruthi shfaqet në rajon – IKSHPK tregon se a ka raste në Kosovë

“Në Kosovë aktualisht nuk ka raste të regjistruara të fruthit, por Instituti Kombëtar i Shëndetësisë Publike i Kosovës rithekson faktin se vaksinimi është mënyra më e mirë për të parandaluar fruthin dhe përhapjen e tij te njerëzit e tjerë, krahas masave të tjera të kujdesit”, thuhet në një njoftim të IKSHPK-së.

Instituti thotë se fruthi është një sëmundje shumë ngjitëse e shkaktuar nga një virus dhe mund të çojë në komplikime të rënda dhe vdekje.

“Pandemia e COVID-19 ka çuar në një rënie të vazhdueshme të mbulimit të vaksinimit dhe mbikëqyrje të dobësuar të sëmundjes në vende të ndryshme globalisht, gjë që ka rritur rrezikun e përhapjes së fruthit”.

IKSHPK thotë se vaksina kundër fruthit është e sigurt dhe ajo aplikohet në Kosovë që nga viti 1971.

IKSHPK u bën thirrje prindërve dhe kujdestarëve ligjorë që të kontrollojnë kartelën e vaksinimit të fëmijëve dhe t’i vaksinojnë ata me kohë.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme