Lajme

Ibrahimi tregon cilat komuna do të dëmtohen financiarisht nga falja e 100 eurove për tatim në pronë

Autori: Gazeta inFokus 20:11 | 23 August 2023

Drejtori i Asociacionit të Komunave të Kosovës, Sazan Ibrahimi, vlerësoi se me faljen e 100 eurove nga Ministria e Financave për tatim në pronë, dëmi financiar do u shkaktohet 13 komunave, e më së shumti komunës së Prishtinës.

Madje sipas tij, me këtë vendim nga Ministria e Financave, do të dëmtohet buxheti i komunave dhe do të krijohen pakënaqësi.

“Nëse zbatohet falja, për 13 komuna dëmi financiar i cili do të shkaktohet nga kjo, është mbi 21 milionë. Dëmi më i madh do të jetë për Prishtinën, pastaj për Prizrenin, për Ferizaj, për Gjilanin, për Gjakovën, për Lipjanin, për Mamushë, për Kaqanikun, për Junikun. Niveli qendror merr vendim tua falë qytetarëve deri në vlerë prej 100 euro, e kështu duke dëmtuar buxhetin e komunave. Një ligj që i prek buxhetet e komunave dhe i prek komunat, është hartuar nga një grup teknik pa konsulta me komunat. Kryetarët e komunave kanë menduar shumë më mirë sesa ministri Murati, sa i përket xhepit të qytetarëve. Ne i kemi argumentet, do të ballafaqohemi me ta në Gjykatën Kushtetuese”, deklaroi Murati në emisionin “Ditari”.

-Advertisement-

I pyetur se a kanë tentuar të flasin edhe njëherë me Qeverinë para se ta dërgonin këtë vendim në Gjykatë, Ibrahimi tregoi se një kërkesë të tillë e kanë bërë në takimin e majit me kryeministrin, Albin Kurti dhe kryetarët.

“U kemi thënë ta bëjnë rimbursimin e këtyre mjeteve. Pasi që edhe po u teprojnë mjete me qindra miliona euro”, shtoi tutje Ibrahimi në Tëvë1.

Kujtojmë që komunat ende s’e dinë nëse do të rimbursohen nga Qeveria për faljen e tatimit në pronë deri në 100 euro.

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme