Lajme

Ibrahim Ceka: PDK-ja do të rithemelojë ministrinë e diasporës

Autori: Gazeta inFokus 10:18 | 08 February 2021

Kandidati për deputet nga Partia Demokratike e Kosovës, Ibrahim Ceka të dielën ishte në Kaçanik së bashku edhe me kryetarin e kësaj partie, Enver Hoxhajn.

Ceka nga Kaçaniku ka thënë se PDK-ja do të rithemelojë ministrinë e diasporës, shkruan Gazeta inFokus.

“PDK-ja është vlerë kombëtare dhe historike. Është PDK-ja ajo që gjithmonë e ka pas parasysh mërgatën si pjesë dhe masë shumë emocionale dhe e rëndësishme e shtetit dhe asnjëherë nuk e ka harruar mërgatën.   Një nga zotimet e PDK-së është se do të ri themelohet ministria e Diasporës dhe diaspora do të përfaqësohet në institucionet e shtetit”, ka thënë Cekaj.

-Advertisement-

Ndërsa ai nuk e ka filluar fjalimin e tij pa përshendetur edhe të gjithë ata që dhanë jetën, e familjen për lirinë e Kosovës.

“Nuk mundemi pa i përmendur edhe ata të cilët kontribuuan që ne të jemi sot këtu dhe të krijojmë shtetin që dikur kishim vetëm ëndërr për të. Prandaj të nderuar eprorë, komandantë, familje të dëshmorëve, invalidë të luftës u jemi mirënjohës përjetësisht. Vetëm duam të iu përkujtoj se e kemi për obligim nderin dhe respektin për ju deri sa të ekzistojë ky shtet”, ka thënë ai./Gazeta inFokus/

 

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme