Lajme

Ia vendosi reciprocitetin, Daçiq: Nuk e di nëse Kurti është i çmendur apo po e bën këtë me përkrahjen e dikujt

Autori: Gazeta inFokus 09:16 | 23 September 2021

Kryetari i Kuvendit të Serbisë, Ivica Daçiq, tha sot se veprimi i qeverisë së Kosovës dhe dërgimi i njësive speciale në veri të Kosovës është test i përgjithshëm se si do të reagojnë Serbia dhe bashkësia ndërkombëtare.

“Ata erdhën në veri të Kosovës pa një njoftim, gjë që nuk u lejohet ta bëjnë ndryshe … Ata duan ta sjellin bashkësinë ndërkombëtare para aktit përfundimtar. Ata tashmë e kanë bërë këtë, dhe tolerimi i një situate të tillë politike çon në situata të tilla si në Jarinje”, tha Daçiq për Kurir.

Ai shtoi se në Bruksel është nënshkruar marrëveshja për themelimin e Asociacionit të Komunave Serbe, por që asnjëherë nuk është zbatuar.

-Advertisement-

“Thaçi dhe unë nënshkruam marrëveshjen atëherë, dhe thelbi i saj ishte formimi i Asociacionit të Komunave Serbe, i cili nuk është zbatuar deri më sot. Garancia e nënshkrimit të atëhershëm ishte Catherine Ashton dhe BE-ja”, tha Daçiq.

“Këtu qëndron thelbi i kapjes së veriut të Kosovës. Se Kurti sillet sikur asgjë të mos kishte ndodhur para tij. Unë thjesht nuk e di nëse ai është i çmendur apo e bën këtë me pëlqimin e dikujt. Ata nuk duan një marrëveshje”, shtoi ai.

Subscribe në YouTube: GAZETA INFOKUSI
Etiketa:
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

lajme