Ia shitën dy personave parcelën e njëjtë në Bërnicë të Epërme, lëshohet urdhërarrest ndaj të akuzuarës
![](https://gazetainfokus.com/wp-content/uploads/2022/01/26.01.2022-725x430-1-600x360-1.jpg)
Autori: Gazeta inFokus
12:25 | 26 January 2022
Gjykata Themelore ka lëshuar urdhërarrest ndaj të akuzuarës H.S-Z, e cila së bashku me F.S-D po akuzohen për mashtrim lidhur me shitjen e një parcele në Bërnicë e Epërme të Prishtinës.
Një vendim të tillë, e ka marrë gjyqtarja Vlora Pacolli-Rexhepi, pasi që e njëjta jeton jashtë vendit, raporton “Betimi për Drejtësi”.
Më pas, gjykatësja e rastit Vlora Pacolli-Rexhepi kërkoi mendimin e palëve që kjo çështje penale të veçohet për të akuzuarën Sogojeva-Zagragja dhe të përfundojë shqyrtimi fillestar për të akuzuarën Z.D.
Tutje, ajo njoftoi se në rast se procedura veçohet për të akuzuarën S.Z sipas procedurës ndaj saj do të lëshohet urdhërarrest.
Mirëpo, lidhur me këtë propozim të gjykatës, prokurori Blerim Igrishta deklaroi se pasi që vepra penale është kryer në bashkëkryerje nga të akuzuarat, do të ishte në interes të procedurës me u zhvillu në të njëjtën kohë për të dy të akuzuarat.
Prokurori Igrishta i ka propozuar gjykatës që të ndërmarrë të gjitha veprimet procedurale që të sigurohet prezenca e të akuzuarës Sogojvea-Zagragja.
Mbrojtësi i të akuzuarës Z.D, avokati Arlind Jupolli deklaroi se tani për tani e kundërshton me arsyetimin se sipas dispozitivit është përshkruar mënyra e kryerjes së veprës penale, por jo edhe koha, sipas tij ky element i veprës penale është i rëndësisë absolute.
Avokati Jupolli shtoi se kontrata e shitblerjes është lidhur më 26 nëntor 2009, i cili veprim nga ana e prokurorisë konsiderohet si veprim i kundërligjshëm, për këtë arsye sipas tij ka arritur parashkrimin absolut sipas Kodit të Përkohshëm Penal në atë kohë dhe Kodit Penal aktual.
Andaj, i njëjti konsideroi se pa u precizuar akti akuzues nuk do të ishte e drejtë të ndërmerren hapa ndaj bashkë të akuzuarës apo të veçohet procedura me arsyetimin se akuzohen në bashkëkryerje.
E njëjta deklaroi se pas plotësimit të aktakuzës, gjykata do të vendos lidhur me çështjen e veçimit të procedurës për të akuzuarën Sogojeva-Zagragjën, ndërsa ndaj kësaj të fundit, gjykata ka lëshuar urdhërarrest për sigurimin e prezencës.
Meqenëse nuk u plotësuan kushtet për mbajtjen e seancës fillestare, seanca e sotme është shtyrë, kurse e radhës u caktua për 21 shkurt të këtij viti.
Sipas aktakuzës së ngritur në shtator të 2017-ës, nga Prokuroria Themelore në Prishtinë, H.S-Z së bashku më F.Z-D po akuzohen se kanë kryer veprën penale të mashtrimit lidhur me shitjen e një parcele në shumën prej 16 mijë DM edhe pse kanë pasur njohuri se kjo parcelë ishte shitur më parë të dëmtuarës H.B.
Në aktakuzë thuhet se pas një marrëveshje paraprake mes vete, dy të akuzuarat kanë mashtruar në atë mënyrë që e akuzuara S.Z i ka shitur të akuzuarës Z.D parcelën kadastrale në Bërnicë të Epërme edhe pse e njëjta ka pasur njohuri se kjo parcelë ishte shitur më parë nga bashkëshorti i saj J.Z
Tutje, në aktakuzë thuhet e akuzuara Z.D e kishte blerë këtë parcelë edhe pse njëjta ishte në dijeni se parcela në fjalë ishte shitur nga vëllai e saj J.Z.
Sipas dispozitivit të kësaj aktakuze, dy të akuzuarat me këto veprime i kanë shkaktuar dëm material tani të dëmtuarës.
Me këtë, ato po akuzohen se në bashkëkryerje kanë kryer veprën penale “Mashtrimi” nga neni 335, paragrafi 2 lidhur me paragrafin 1 e lidhur me nenin 31 të Kodit Penal, vepër kjo k u kryesi dënohet me gjobë dhe me burgim prej gjashtë muaj deri në pesë vjet.
![](https://gazetainfokus.com/wp-content/uploads/2024/01/31-1.png)
Të tjera
-
Konjufca nderon Adem Demaçin: I pathyeshëm në burg dhe frymëzues brezash në lụftën për liri
Kryetari i Kuvendit të Kosovës, Glauk Konjufca, në gjashtëvjetorin e vdekjes ...
-
Vlora Çitaku mban nesër konferencë, s’tregohet arsyeja
Sekretarja e Përgjithshme e Partisë Demokratike të Koosvës, Vlora Çitaku, do ...
-
Nikolla jep dorëheqje si kryetare e kuvendit të Shqipërisë: Është rezultat i një situate personale shëndetësore
Kryetarja e kuvendit të Shqipërisë, Lindita Nikolla, ka dhënë dorëheqje nga p...
-
Mehaj kujton Demaçin: Udhëheqësit politikë gabuan që s’e bënë president sa ishte gjallë
Ish-ministri i Mbrojtjes, Armend Mehaj, ka kujtuar veprimtarin e çështjes...
-
Tri orë pritje e kolona deri në 1 mijë metra, përditësimi i fundit i MPB’së për gjendjen nëpër pikëkalimet kufitare
Qendra Kombëtare për Menaxhim Kufitar ka bërë një përditësim rreth gjendj...
-
Kush është Florim Ejupi, që sikur Faton Hajrizi u arratis nga Bondsteel-i?
Florim Ejupi është një ndër emrat më të përfolur në botën e errët të krimit n...
-
Presidentja i fton krerët e partive për t’u konsultuar rreth datës së zgjedhjeve që mbahen vitin e ardhshëm
Presidentja e Republikës së Kosovës, Vjosa Osmani-Sadriu, ka ftuar zyrtarisht...
-
Do rikthehen temperaturat mbi 40 gradë në Shqipëri
Në 21 korrik u shënua rekordi global përsa i përket temperaturës mesatare...
-
Mbledhja e radhës e Qeverisë, merret një vendim
Qeveria e Republikës së Kosovës ka mbajtur sot mbledhjen e 215’të. Në këtë...
-
KFOR-i publikon pamje nga kufiri me Serbinë: Po patrullojmë rregullisht
Misioni i NATO-s në Kosovë, KFOR, sot ka publikuar një video nga Mitrovica e ...
-
Hoxhaj viziton Thaçin e Veselin në Hagë: Fatin e tyre e shohin në shërbim të fatit të Kosovës
Deputeti i PDK-së, Enver Hoxhaj ka vizituar sot në Hagë, ish-presidentin Hash...
-
“Parisi 2024”, Osmani i ofron mbështetje ekipit të Kosovës: E bindur që do të shkëlqejnë dhe do të sjellin medalje
Presidentja Vjosa Osmani është lajmëruar në faqen e saj në Facebook, pak minu...