Lajme

I shtrirë në tokë dhe me këmbën në qafë, i dyshuari humb jetën nga ndërhyrja e ashpër e policit

Autori: Gazeta inFokus 23:28 | 26 May 2020

SHBA-ja është tronditur sërish nga episodet e dhunës, ku e përfshirë është policia me afro-amerikanët.

Kritikat janë shtuar shumë për policinë në Minesota, pasi një 40 vjeçar humbi jetën, si pasojë e brutalitetit të policisë.

Ai u ndalua nga agjentët sepse akuzohej për përdorimin e lëndëve narkotike dhe prishjen e qetësisë publike.

-Advertisement-

Gjatë ndalimit, një prej punonjësve të policisë i vendosi gjurin në qafë, ndërsa i dyshuari ishte shtrirë në tokë me pranga.

Por duket se agjenti e ka tepruar me fuqinë e përdorur dhe pas disa minutash, 40 vjeçari ndërroi jetë.

Kjo ngjarje e dyshimtë vuri në lëvizje dhe FBI-në e cila vendosi që ta hetojë.

Në një video të publikuar, i arrestuari i bëri thirrje policit ta lironte, sepse nuk mund të merrte dot frymë. Pas vetëm pak çastesh, atij i ra të fikët.

Viktima u dërgua në spital me ambulancë, por nuk mbijetoi.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ

Të tjera