Një rast i rrallë ndodhi në Malishevë. 28 vjeçari nga kjo komunë, Jetmir Rudi u bë pjesë e mediave për zhdukjen e tij ku u fol edhe për rrëmbim dhe u publikuan edhe fotografi ku ai shihej i lidhur.

Mirëpo sipas Prokurorisë, Rudi kishte inskenuar të gjithë rrëmbimin e tij e këtë e ka pranuar edhe ai vet.

Ndërsa këtu nuk mbaron gjithçka, menjëherë një ditë pasi inskenoi rrëmbimin e tij, Jetmir Rudi është martuar.

Të dielën u fol për zhdukjen e tij dhe rrëmbimin që ai inskenoi ndërsa menjëherë të hënën ai u martua me një ceremoni e festë në shtëpinë e tij.

E madje u publikuan edhe video nga dasma e tij të siguruara nga TV Malisheva ku ai shihet duke vallëzuar me gruan e tij, ku shihen edhe mysafirë të shumtë./Gazeta inFokus/