Finlanda nuk i trembet Rusisë. Vendi jeton me kërcënimin rus prej dekadash nën “gatishmëri luftarake” që prej Luftës së Dytë Botërore.

Nëse frika më e keqe e Evropës bëhet e vërtetë, se konflikti në Ukrainë do të përhapet në fqinjët e tjerë rusë, Finlanda do të jetë gati, raporton “Finacial times”.

Gatishmëria e finlandezëve buron nga “lufta brutale e Dimrit” të viteve 1939-1940, gjatë së cilës ata i rezistuan me sukses pushtimit sovjetik të territorit të tyre, shumë më gjatë sesa prisnin rusët. Në vitin 1940 u lidh Marrëveshja e Paqes në Moskë. Finlandezëve iu desh të dorëzonin 9 për qind të territorit të tyre rusëve duke përfshirë qytetin e tyre më kozmopolit, Vyborg, dhe një nga zonat kryesore të industrisë.

Pas kësaj, finlandezët bënë një betim: Kurrë më!

“Ne nuk e kemi harruar, është në ADN-në tonë,” thotë Presidenti Sauli Niinisto, duke treguar sondazhet që tregojnë se rreth tre të katërtat e finlandezëve janë gati të luftojnë për vendin e tyre, deri tani numri më i madh në Evropë.

Finlanda ka një forcë luftarake prej rreth 280,000 njerëz dhe 900,000 rezervistë të trajnuar. Edhe pas përfundimit të Luftës së Ftohtë, ata vazhduan të rekrutojnë të gjithë burrat që kanë përfunduar shkollimin. Ndërkohë, Helsinki mbajti shpenzime të forta për mbrojtjen edhe në vitet 1990 dhe 2000 kur të tjerët i zvogëluan.

Përkatësisht, Finlanda ka stoqe: të paktën gjashtë muaj të të gjitha lëndëve djegëse dhe drithërave të rëndësishme janë në stoqe strategjike, ndërsa kompanive farmaceutike kërkohet që të kenë stoqe të të gjitha barnave të importuara për një periudhë prej 3 deri në 10 muaj.

Ajo ka një mbrojtje të fortë civile. Të gjitha ndërtesat e mëdha duhet të kenë strehimoret e tyre bërthamore, ndërsa pjesa tjetër e popullatës mund të shfrytëzojë parkingje nëntokësore, (nën)pishina patinazhi dhe (nën)pishina noti që janë gati të kthehen në qendra evakuimi.

“Ne kemi përgatitur shoqërinë tonë dhe kemi qenë duke u trajnuar për këtë situatë që nga Lufta e Dytë Botërore”, tha Tytti Tuppurainen, ministri i BE-së i Finlandës.

Pas tetë dekadash të jetesës së pari nën hijen e Bashkimit Sovjetik dhe tani Rusisë, rreziku i luftës në Evropë nuk i befasoi ata.

Por ajo që Finlanda e quan strategjinë e saj të “sigurisë gjithëpërfshirëse” është një shembull se si të gjitha vendet mund të krijojnë sisteme rigoroze për shoqëritë e tyre për të mbrojtur veten para kohe – jo vetëm nga potenciali për pushtim, por edhe nga fatkeqësitë natyrore, sulmet kibernetike ose pandemitë.

Sponsoruar