Lajme

I preferuari i tifozëve, projektohet rikthimi i madh te Reali

Autori: Gazeta inFokus 10:28 | 20 October 2023

Carlo Ancelotti do të largohet nga Reali i Madridit në fundin e sezonit. Tekniku italian do të nisë misionin Brazil, teksa do të drejtojë për herë të parë në karrierë një skuadër kombëtare.

Shumë emra përfliten për pasuesin e tij në stolin e “Los Blancos”. Duke nisur nga Xabi Alonso, i cili po zhvillon një punë të mrekullueshme në pankinën e Bayer Leverkusen.

Ish-mesfushori i Realit pëlqehet shumë nga presidenti Florentino Perez, ndërkohë që një nga emrat që intrigon shumë është edhe Roberto De Zerbi (Brighton). Sidomos falë futbollit ofensiv që praktikon.

-Advertisement-

Por, së fundmi ka dalë në skenë edhe një emër i vjetër si Jose Mourinho. “Special One” ka kontratë me Romën deri në verën e vitit 2024.

Portugezi nuk ka ndërmend të qëndrojë më në kryeqytetin italian. Dhe mundësinë e rikthimit në “Santiago Bernabeu” do e përqafonte menjëherë.

Mourinho gëzon një respekt të madh mes tifozëve të Realit, dhe këta të fundit e duan sërish në drejtimin e skuadrës së tyre të zemrës.

60-vjeçari qëndroi si timonier i skuadrës spanjolle në vitet 2010-2013, gjatë së cilvëve fitoi një titull, një Kupë Mbreti dhe një Superkupë Europiane.

Subscribe në YouTube: GAZETA INFOKUSI
Etiketa:
Thyhet REKORDI I ZBRITJEVE!

Të tjera

Fokusi

lajme