Lajme

I pastroi rrugët në pranverë, Gjilani më pak telashe me vërshimet

Autori: Gazeta inFokus 14:36 | 21 November 2022

Reshjet e mëdha të shiut po vazhdojnë edhe gjatë ditës së sotme, kështu duke bërë që shumë nga komunat të përballen me vërshime.

Por, Komuna e Gjilanit vazhdon ta ketë nën kontroll këtë situatë. Kështu tha edhe drejtori për Mbrojtje dhe Shpëtim, i kësaj komune, Bejtullah Osmani.

“Për fat të mirë, ne kemi bërë pastrimin e thellë të rrugëve në pranverë të këtij viti prandaj edhe nuk jemi duke u përball me ndonjë vështirësi të madhe. Ne që nga dje jemi duke dal në terren dhe duke vazhduar t’i pastrojmë ato rrugë ku shohim bllokime eventuale”, tha Osmani, për Klankosova.tv.

-Advertisement-

Megjithatë, pati edhe disa bllokime që u paraqiten dje në këtë komunë por që u zgjidhën shpejt.

“Pati disa bllokime të vogla në disa rrugë, ura, por që u pastruan menjëherë. Vlen të ceket ajo e bllokimit të urës lidhëse me fshatin Malishevë e cila u pastrua dje. E edhe sot po vazhdojnë kontrollet dhe pastrimet e rrugëve”, shtoi ai.

Kujtojmë se reshjet e shiut përveç bllokimeve rrugore shkaktuan edhe ndërprerje të ujit të pijshëm në shumë komuna të vendit.

Subscribe në YouTube: GAZETA INFOKUSI