Lajme

“I lumtur që jam në Shqipëri”, Macron: Të ketë solidaritet mes BE-së dhe Ballkanit Perëndimor

Autori: Gazeta inFokus 11:29 | 06 December 2022

Në samitin e BE-së dhe Ballkanit Perëndimor që po mbahet në Tiranë ka mbërritur edhe presidenti francez, Emmanuel Macron.

Pasi u prit nga Kryeministri Rama, Macron para mediave tha se është i lumtur që sot ndodhet në Shqipëri,

Presidenti francez theksoi se është e rëndësishme të ketë solidaritet, që vendet e Ballkanit Perëndimor të integrohen në BE.

“Kam thënë gjithmonë të njëjtë gjë që diskutimet gjithashtu edhe lufta në Ukrainë është çështje sigurie për të gjithë rajonin, keshtu që ne kemi që prej shkurtit e marsit duke punuar, por jam i lumtur që sot jam në Shqipëri. Falendëroj kryeministrin Edi Rama për këtë samit midis BE-së dhe Ballkanit Perëndimor në një moment kaq të rëndësishëm në kuadër të presidencës çeke. Kemi në fakt projekte konkrete për të diskutuar. Gjithashtu është e rëndësishme të ketë solidaritet mes BE-së dhe Ballkanit Perëndimor për energjinë, dhe gjithashtu edhe për procesin e integrimit të kësaj pjese në BE. Është e rëndësishme të punohet drejt solidaritetit të mëtejshëm të thellimit të agjendës politike”, tha Emmanuel Macron para mediave.

Në samitin e BE në Tiranë është nënshkruar marrëveshja e tarifave roaming mes vendeve të Ballkanit Perëndimor dhe Bashkimit Europian. Kjo marrëveshje parashikon tarifa më të ulëta për qytetarët e Ballkanit në vendet e unionit.

Presidenti i Këshillit Europian, Charles Michel u shpreh para samitit se marrëveshja për tarifat roaming është një hap shumë i rëndësishëm.

“Sot do të nënshkruajmë një marrëveshje për tarfiat roaming, është një arritje konkrete. Ky është një hap shumë i rëndësishëm, një tjetër element është mbështetja që duam t’i japin Ballkanit Perëndimor në raport me krizën energjetike dhe vështirësitë energjetike që janë pasoja të luftës së Rusisë në Ukrainë. Është emocionuese që në këtë rajon të kemi një takim të këtij niveli. Ne jemi shumë të bindur që e ardhmja e Evropës dhe fëmijës tanë do të jetë më e begatë me Ballkanin Perëndimor, pjesë të Evropës”, u shpreh ai.

Të tjera