I dyshuari u vetëdorëzua në stacionin policor, Policia jep detaje për vrạsjen në Ferizaj
![](https://gazetainfokus.com/wp-content/uploads/2024/08/policia-1-560x360-1.png)
Autori: Gazeta inFokus
09:47 | 17 August 2024
Policia e Kosovës ka dhënë detaje të reja për vrasjen e mbrëmshme në fshatin Bibaj të Ferizajt.
Vrasje kjo e cila ndodhi në oborrin e një salle dasmash.
Dyshohet se viktima është qëlluar nga një polic, derisa policia në raportin 24 orësh bën të ditur se i dyshuari ishte jashtë detyrës zyrtare.
Sipas Policisë i dyshuari lidhur me rastin është vet-dorëzuar në stacionin policor.
“Një mashkull kosovar ka mbetur i vdekur pasi është qëlluar me armë zjarri. I dyshuari lidhur me rastin është një zyrtar policor jashtë detyrës zyrtare. Vdekjen e viktimës e ka konstatuar ekipi mjekësor në vendin e ngjarjes. I dyshuari lidhur me rastin është vet-dorëzuar në stacionin policor. Lidhur me rastin është njoftuar prokurori dhe Inspektorati Policor i Kosovës të cilët do ta procedojnë rastin”, thuhet në raportin 24 orësh të Policisë, shkruan Reporteri.net.
Sipas raportimeve, viktima është axha i Prindon Sadriut, bashkëshortit të Presidentes Vjosa Osmani. Për rastin deri tash janë dy të arrestuar.
I dyshuar për vrasjen e 89-vjeçarit është polici Festim Ramadani. Vrasjen dyshohet se e ka kryer me armën zyrtare.
I njëjti është arrestuar dhe i është caktuar masa e paraburgimit prej 48 orësh.
Inspektorati Policor i Kosovës ka dhënë detaje të tjera për vrasjen në Ferizaj, ku nga arma zyrtare e një polici mbeti i vrarë një i moshuar 89 vjeçar.
Në njoftimin e IPK-së thuhet se polici i dyshuar për vrasje, Festim Ramadani pasi e kreu vrasjen u vetëdorëzua në Polici.
“Incidenti raportohet të ketë ndodhur sot rreth orës 19:30 në fshatin Bibaj të Ferizajt në një restaurant ku ishte duke u mbajtur një ceremoni dasme. Bazuar në informacionet fillestare dyshohet se zyrtari policor i dyshuar në këtë rast kishte shkuar në këtë lokacion dhe ka shtënë me armë zjarri në drejtim të viktimës i cili si pasojë e lëndimeve të pësuara ka ndërruar jetë .I dyshuari në këtë rast (zyrtari policor) pas kryerjes së veprës penale është vetdorëzuar në Stacionin Policor të Ferizajt ku edhe ka dorëzuar armën zyrtare e cila dyshohet se është përdorur në këtë rast”, ka njoftuar IPK.
Sipas komunikatës së Inspektoratit, i dyshuari është arrestuar (dhe suspenduar) dhe me vendim të prokurorit të njëjtit i është caktuar masa e ndalimit për 48 orë për shkak të dyshimit të veprës penale “Vrasja e rëndë” sipas Kodit Penal të Republikës së Kosovës.
“Hetuesit e IPK-së në koordinim me Prokurorin e Shtetit dhe njësitet tjera policore do të vazhdojnë të ndërmarrin edhe shumë veprime të tjera hetimore drejt ndriçimit të rrethanave të këtij incidenti të rënde,
Inspektorati Policor i Kosovës ka njoftuar se është arrestuar edhe një person i dytë për bashkëkryerje në vrasjen e 89-vjeçarit.
“Arrestohet edhe një i dyshuar lidhur me rastin e vrasjes në Ferizaj. Të dyshuarit të arrestuar me vendim të prokurorit i është caktuar masa e ndalimit për 48 orë për shkak të dyshimit të për bashkëkryerje të veprës penale “Vrasja e rëndë” sipas Kodit Penal të Republikës së Kosovës”, ka konfirmuar IPK-ja.
Zëdhënësja e Prokurorisë Themelore të Ferizajt, Vjosa Baftiu ka thënë për gazetën online Reporteri.net se i vrari është i lindur në vitin 1935.
Sipas saj, i dyshuari për vrasjen, një zyrtar policor është ndaluar për 48 orë
“Motivet ende nuk dihen”, tha Baftiu.
Siç merr vesh gazeta online Reporteri.net, polici që dyshohet se e kreu krimin i ka edhe dy vëllezër të tjerë pjesëtar të Policisë së Kosovës.
![](https://gazetainfokus.com/wp-content/uploads/2024/07/1-scaled.jpg)
Të tjera
-
Shpërndahen protestuesit në Veri, Elshani: Kanë mbetur vetëm gazetarët dhe familjarët
Serbët të cilët ishin duke protestuar që nga orët e hershme të mëngjesit para...
-
Aktakuza për rastin Banjska, Maqedonci: Faktori ndërkombëtar duhet ta rrisë presionin ndaj Serbisë
Ministri i Mbrojtjes, Ejup Maqedonci, në TV Dukagjini, ka folur për aktakuzën...
-
Mendimi për motin: Reshjet rikthehen të premtën
Mendimi për motin – 11.09.2024 Mëngjesin e së enjtes përgjatë ultësirave, ...
-
Ushtarët amerikanë të KFOR-it kryejnë trajnime për dominimin e mjeteve të pashpërthyera në Drenicë
Misioni i NATO-s në Kosovë, KFOR-i, ka bërë të ditur se një ekip i ushtarëve ...
-
Qysh foli para organëve kosovare njëri nga të arrestuarit e Banjskës, çka tha për “shokët” e tij?
Në aktakuzën e Prokurorisë Speciale për sulmin e 24 shtatorit në Banjskë, që ...
-
Qeveria emëron kryeshef personin që dëmtoi me mijëra euro buxhetin e Kosovës
Në mbledhjen e sotme, Qeveria e Kosovës ka emëruar për kryeshef të Agjencisë ...
-
Krasniqi: Kurti, kryeministri i parë që shkoi në Leshak të Leposaviqit
Kryeministri i Kosovës Albin Kurti, bashkë edhe me ministrin e Brendshëm, Xhe...
-
Murati pret votën e opozitës për kredinë 90 milionëshe me Bankën Botërore
Ministri i Financave, Hekuran Murati, i ka bërë thirrje deputetëve të opozitë...
-
Lahi Brahimaj kujton aksionin e UÇK’së të 11 shtatorit 1997 kur u sulmuan njëkohësisht 11 stacione policore
Ish komandanti, Lahi Brahimaj ka kujtuar aksionin e UÇK-së të 11 shtatorit 19...
-
Gërvalla: Macroni të vijë në Kosovë e të shohë se shqetësimet e tij për serbët janë propagandë ruso-serbe
Ministrja e Jashtme e Kosovës, Donika Gërvalla i ka kërkuar presidentit të Fr...
-
Vendos Komisioni Disiplinor: Tahir Batatina dënohet me dy ndeshje dhe 500 euro gjobë
Trajneri i Llapit, Tahir Batatina është dënuar me dy ndeshje nga Komisioni Di...
-
Njësia Speciale vendoset afër stacionit policor në veri të Mitrovicës
Njësia Speciale e Kosovës është vendosur në afërsi te stacionit të policisë n...