I akuzuari për terrorizëm del para gjykatës në Prishtinë, thotë se është penduar që luftoi për ISIS’in
Autori: Gazeta inFokus 12:11 | 18 January 2022
I akuzuari për terrorizëm, F. D ka pranuar fajësinë dhe shprehet i penduar që luftoi për ISIS-in.
Ai këtë pranim të fajësisë e ka bërë të martën, në Departamentin Special të Gjykatës Themelore në Prishtinë, pasi të njëjtit iu lexua aktakuza nga ana e prokurorit special Afrim Shefkiu, raporton “Betimi për Drejtësi”.
Ai ka thënë se deklarohet fajtor për kryerjen e veprës penale të terrorizmit, ashtu siç ishte deklaruar edhe në polici dhe prokurori.
Mbrojtësi i tij, avokati Jeton Partuzi ka thënë se i akuzuari ishte konsultuar mjaftueshëm me të për pasojat dhe benefitet e pranimit të fajësisë, prandaj i njëjti ka kërkuar nga gjykata që të aprovoj këtë pranim të fajësisë.
Aprovimin e pranimit të fajësisë e ka pranuar edhe prokurori special Afrim Shefkiu, i cili ka deklaruar se ky pranim i fajësisë është i plotë dhe në pajtim me dispozitat ligjore.
Në këtë mënyrë, kryetarja trupit gjykues, gjykatësja Shadije Gërguri e ka aprovuar këtë pranim të fajësisë.
Lidhur për rrethanat rënduese dhe ato lehtësuese të cilat do të merren parasysh gjatë matjes dhe shqiptimit të dënimit, prokurori Shefkiu si rrethanë lehtësuese ka përmendur pranimin e fajësisë së të akuzuarit, gjendjen familjare dhe pendimin për kryerjen e veprës penale.
Ndërsa si rrethana renduese prokurori Shefkiu ka përmendur peshën e veprës penale, shkallën e përgjegjësisë penale të të akuzuarit, mënyrën e kryerjes së veprës penale, si dhe kronologjinë e udhëtimit për të përfunduar si luftëtar i huaj terrorist.
Ndërsa mbrojtësi i të akuzuarit, avokati Jeton Partuzi ka kërkuar nga gjykata që si rrethana lehtësuese të merr pranimin e fajësisë, bashkëpunimin e tij me organet e drejtësisë në të gjitha fazat e procedurës, gjendja e dobët ekonomike, e cila sipas avokatit ka ndikuar që ai për një jetë më të mirë të shkojë në Siri, pasi i janë premtuar rroga të mira dhe shtesa për fëmijë.
Avokati Partuzi si rrethanë tjetër ka përmendur edhe pendesën e thellë të të akuzuarit, faktin që është baba i gjashtë fëmijëve, gjendjen jo të mirë shëndetësore, qëndrimin e tij në paraburgim në Siri i cili sipas avokatit është maltretuar.
Ai po ashtu ka kërkuar nga gjykata që në dënimin e tij të shqiptuar t’i llogaritet edhe koha e kaluar në burg në Siri dhe në Burgun e Sigurisë së Lartë në Kosovë.
“Jam penduar për veprimet e mija, nuk e kam gjendjen e mirë shëndetësore, premtoj që më asnjëherë nuk do të përsëris vepër penale”, ka thënë në fund i akuzuari Demolli.
Shpallja e aktgjykimit do të bëhet me 20 janar 2022.
Sipas aktakuzës së ngritur me 15 dhjetor 2021, i akuzuari F.D në gusht 2014, me qëllim që t’i bashkëngjitët organizatës terroriste ISIS në Siri, së bashku me personin A.H nga Prishtinë përmes vend kalimit kufitar “Hani i Elezit”, kishin depërtuar në Maqedoninë e Veriut.
Siç thuhet në aktakuzë, më pas përmes Bullgarisë kishin arritur në Turqi-Stamboll e pastaj në Gazientep dhe pas kontaktit me B.D kishin depërtuar në brendi të Sirisë dhe ishin regjistruar në ISIS, ishte pajisur me pushkë automatike AK47, dhe pas ushtrimeve luftarake kishte marrë pjesë në luftërat në Siri.
Sipas PSRK-së, më pas i njëjti është dorëzuar tek Forcat Demokratike Siriane ku ka qëndruar deri me 17 korrik 2021, me c’rast është riatdhesuar në Kosovë.
Për këto veprime, ai po ngarkohet me veprën penale “Organizimi dhe pjesëmarrje në grup terrorist”, nga nenin 143, paragrafi 2 i Kodit Penal të Republikës së Kosovës.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...