Lajme

Hyseni thotë se Abdixhiku ia fshiu komentin në postimin për marrëveshjen: S’munda të mos e komentoj hipokrizinë tënde politike

Autori: Gazeta inFokus 09:02 | 19 March 2023

Anëtari i LDK-së, Skender Hyseni, ka reaguar ndaj deklaratës së kryetarit të kësaj partie, Lumir Abdixhiku, për marrëveshjen e Ohrit të arritur sonte në mes Kosovës e Serbisë.

Hyseni tha se në reagimin e Abdixhikut të bërë në llogarinë e tij në Facebook, ai kishte komentuar, por vetëm disa sekdona më vonë, komenti i tij ishte fshirë dhe e kishte bllokuar.

“Sa pë dijeninë tuaj, ky ishte përafërsisht komenti im në postimin e Abdixhikut: Nuk e kam zakon dhe ështe hera e parë që komentoj në murin e dikujt, por ja që nuk munda të mos komentoj hipokrizinë tënde politike, Zotëri Lumir Abdixhiku. Ka kohë që kam thënë se Kurti do të bëj gabime të pariparueshme”, ka shkruar Hyseni.

-Advertisement-

Tutje, ai thotë se Abdixhikut i ka komentuar se Kurti ka bërë gabime të pariparueshme edhe me përkrahjen e kryetarit aktual të LDK-së.

“Përkrhaja juaj e parezervë për politikat idioteske të Kurtit e Osmanit në veri të vendit gjatë dy vjetëve të kaluara, ka sjellur ‘ndëshshkimin ndërkombëtar” në Ohër. Ndëshkim, të cilin, unë, megjithate e mirëpres, ngase e pakta ndërpenë katandisjen e mëtejme të vendit tonë”.

“Ka situata politike, kur heshtja të ruanë pak kredibilitet! Mbase edhe pak ftyrë! Pra, mjaft me hipokrizi”, shkroi Hyseni.

Subscribe në YouTube: GAZETA INFOKUSI