Lajme

Hykmete Bajrami për Qeverinë Kurti: Dy vjet qeverisje, dy vjet arsyetim, dy vjet dështim

Autori: Gazeta inFokus 20:44 | 31 March 2023

Deputetja e LDK-së, Hykmete Bajrami, me anë të një videoporosie të publikuar në Facebook, ka komentuar punëndyvjeçare të Qeverisë së Kryeministrit Albin Kurti, duke theksuar se ajo nuk ka realizuar asnjë premtim që ka bërë.

“Dy vite të Qeverisjeës së VV-së, por sot nuk kemi asnjë projekt, asnjë premtim të realizuar, asnjë rezultat. Për dy vite kjo qeveri tregoi paaftësinë totale, mungesën e interesimit për përmirësimin e jetës së qytetarëve tonë. Sot numërojmë zerro transparencë për qindra miliona subvencione të shpërndara dhe asnjë listë të publikuar. Asnjë politikë fiskale, asnjë reformë strukturore, ska zhvillim ekonomik, përkubdrazi, është bërë e papërballueshme jeta e qytetarëve tonë nga ngritja enorme e çmimeve. Ka më shumë se një vit që pushteti mbledh 50 për qind më shumë tatime prej qytetarëve tonë. Nuk është hequr norma e TVSH-së, për produkte bazë siç ishte premtuar, 100 për qind është ngritur çmimi i energjisë para një viti, e prej një prillit pritet të ketë ngritje tjetër. Energjia është e lirë, thoshin dikur, 105 koeficienti i pagave, kemi ulje të pagave për mijëra punëtorë të sektorit publik, kurse për sektorin privat asnjë masë për të ndihmuar të punësuarit”, tha Bajrami.

Ajo më tutje theksoi se nga Kosova kemi ikje të profesionistëve të të gjitha fushave, pa asnjë masë për parandalim të kësaj dukurie.

-Advertisement-

“Nuk ka vende të reja të punës, nuk ka bankë zhvillimore, nuk ka fond sovran, përkundrazi po vazhdon privatizimi valë valë, të cilin VV e kishte kundërshtuar për 15 vjet. Morën votat duke premtuar 4 mijë banesa për qifte të reja, sot nuk kemi as nisje të këtij projekti, por qeveria ka rritur tatimin në pronë. Nuk ka sigurime shëndetësore, e spitalet tona, nuik kanë penj, dorëza, e as infuzione. Falë kësaj Qeverie kemi më pak sovranitet në veri. Thonin se familjarët janë për dasma, por sot nuk ka institucion, në të cilin nuk kanë punësuar familjarë. Fenomenin e kapjes së institucioneve e kanë bërë edhe me ligj, por ky ligj ka përfunduar në Gjykatën Kushtetuese. Kryeministri ka thënë se janë super-kriminelë ata që shkelin Kushtetutën, por të tillë i ka ministrat në kabinet. E martin Berishajn e ka marrë në mbrojtje, 4 milionë euro transaksione të dyshimta,. A është ky ndryshimi që premtuan?”, theksoi Bajrami në analizën e punës dyvjeçare të Qeverisë.

Subscribe në YouTube: GAZETA INFOKUSI
Black Friday ne Artmotion

Të tjera