Lajme

Hykmete Bajrami: LVV e ka kthyer vendin në kohën e UNMIK-ut, po e mban peng shtetin

Autori: Gazeta inFokus 12:35 | 07 May 2025

Deputetja e Lidhjes Demokratike të Kosovës , Hykmete Bajrami, ka kritikuar ashpër Lëvizjen Vetëvendosje (LVV), duke e akuzuar për kthim të vendit në situata të ngjashme me kohën e administrimit ndërkombëtar të UNMIK-ut dhe për bllokadë të institucioneve.

Në një reagim të publikuar sot, Bajrami deklaroi se në kohën e UNMIK-ut Kosova nuk ka qenë e sanksionuar ndërkombëtarisht, zyrtarët shtetërorë janë përgjigjur para drejtësisë dhe kanë respektuar institucionet. Ajo thekson se atëherë politikanët që kanë shkelur Kushtetutën kanë dhënë dorëheqje dhe nuk kanë penguar institucionet, ndërsa sot Kuvendi është mbledhur 12 herë me radhë pa sukses për zgjedhjen e kryetarit.

“Për më tepër, është pikërisht LVV që ka pranuar marrëveshje me Serbinë ku i referohet Rezolutës 1244 – rezolutë mbi të cilën funksionon UNMIK-u,” deklaroi Bajrami.

-Advertisement-

Ajo tha se Kosova sot ndodhet në krizë institucionale, për shkak se LVV nuk po pranon që nuk mund të krijojë shumicën parlamentare. “LVV po e mban shtetin peng, sepse interesin e partisë dhe të individëve e vendos para interesit të shtetit dhe qytetarëve,” shtoi ajo.

Deputetja e LDK-së ka theksuar se propozimi për një Qeveri Transitore është bërë në frymën e përgjegjësisë dhe nuk është drejtuar kundër asnjë subjekti politik. “Mos e pranoni propozimin tonë – është e drejta juaj. Ne nuk imponojmë asgjë. Por urdhëroni dhe formoni shumicën, mos u tallni me shtetin dhe me qytetarët,” përfundoi Bajrami.

Subscribe në YouTube: GAZETA INFOKUSI
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme