Lajme

Hungaria rrit taksat në karburant, hungarezët ‘detyrohen’ të furnizohen në Rumani e Sllovaki

Autori: Gazeta inFokus 22:43 | 13 February 2023

Njerëzit në Hungari kanë filluar të shkojnë në Rumani dhe Sllovaki për të blerë karburant, si një mënyrë për të luftuar çmimet gjithnjë e më të larta të karburantit në vendin e tyre.

Qeveria hungareze vendosi një kufi të çmimit të karburantit menjëherë pasi nisi lufta në Ukrainë dhe çmimet e karburantit u rritën. Kjo u pasua nga mungesa e karburantit. Në dhjetor, Budapesti hoqi kufirin dhe rriti taksat mbi karburantin, duke i shtyrë pronarët e makinave të furnizoheshin me karburant në Sllovaki, ose në Rumani.

Nafta kushton 1.76 USD për litër në Sllovaki. Në Hungari, e njëjta shumë kushton 1.9 dollarë, sipas Reuters. Dallimet në çmimet e benzinës janë më të vogla.

-Advertisement-

Tamas Pletser, analist në Erste Investment, tha për G4Media se çmimet e karburanteve në Hungari, ishin më të larta se në pjesët e tjera të rajonit, për shkak të taksave më të larta dhe se kufizimet e çmimeve penguan funksionimin e tregut të karburanteve, duke eliminuar konkurrencën. Për shkak të uljes së çmimit të shitjes, vitin e kaluar, kompanitë hungareze ndaluan importin e karburantit, duke i detyruar shumë pika të vogla karburanti që të mbylleshin, për shkak të humbjeve të akumuluara.

Në qershor të vitit 2022, socialdemokratët e Rumanisë, pjesë e koalicionit qeverisës, po përkrahnin një kufi të çmimit të karburantit të modeluar sipas atij në Hungari. Të njëjtët socialdemokratë synuan të ulnin çmimin e disa ushqimeve, si në Hungari.

Kryeministri hungarez Viktor Orban u rizgjodh për të katërtin mandat radhazi në prill 2022. Vendi po përballet me një inflacion prej 24% dhe po shkon drejt stanjacionit ekonomik këtë vit.

Subscribe në YouTube: GAZETA INFOKUSI
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

lajme