Lajme

Hungaria në alarm, mbyllen 121 shkolla pas kërcënịṁeve me bọṁbë

Autori: Gazeta inFokus 13:09 | 23 January 2025

Email-et që përmbanin një kërcënim për bombë u dërguan në shumë institucione arsimore në Hungari, duke bërë që ato të mbylleshin përkohësisht nga masa paraprake, ka njoftuar Shtabi Kombëtar i Policisë së Hungarisë (ORFK).

Kërcënimet kanë prekur gjithsej 121 shkolla në mbarë vendin, duke nxitur një hetim nga autoritetet.

Bëhet e ditur se deri më tani, asnjë bombë nuk është gjetur në shkollat e kontrolluara.

-Advertisement-

Në letrën e përshkruar nga policia, një person i paidentifikuar kërcënoi se do të sulmonte “çdo vend grumbullimi, çdo pikë referimi” në atë që thoshte se ishte një komplot i dhunshëm ekstremist i organizuar nga një “kalifat” pa emër.

Gergely Gulyas nga Zyra e Kryeministrit hungarez, Viktor Orban, konfirmoi vërtetësinë e emailit.

“Ajo që unë mendoj se ka më shumë gjasa është se kemi të bëjmë me një person të sëmurë mendor”, tha Gulyas në një konferencë për shtyp.

“Megjithëse letrat u dërguan përmes një serveri të huaj, hetuesit do të gjejnë autorin”, shtoi ai.

Raportohet se kryebashkiaku i Budapestit, Gergely Karacsony reagoi ndaj lajmit për kërcënimet me bombë në një postim në faqen e tij në Facebook, duke deklaruar se kompania e transportit publik të kryeqytetit hungarez ka dërguar autobusë në shkolla për të vepruar si strehimore të përkohshme ndërsa autoritetet kontrollojnë ambientet.

Edhe Policia Metropolitane po punon ngushtë me Shtabin e Policisë së Budapestit (BRFK) për t’u marrë me situatën.

Autoritetet hungareze deklaruan se kanë kërkuar ndihmë edhe për Sllovakinë fqinje, ku një kërcënim i ngjashëm me bombë masive ka ndodhur kohët e fundit.

Ndryshe, gjatë dy viteve të fundit, një mori kërcënimesh me bomba, veçanërisht kundër shkollave, qendrave tregtare dhe aeroporteve, kanë prekur Republikën Çeke, Serbinë, Malin e Zi dhe Bosnjën gjithashtu, duke mbyllur operacionet dhe duke shkaktuar probleme logjistike.

Të gjitha dolën të ishin një mashtrim.

Subscribe në YouTube: GAZETA INFOKUSI