Hungaria është akuzuar se ka injoruar në mënyrë sistematike rregullat e BE-së për azilin.

Bëhet e ditur se Gjykata Evropiane e Drejtësisë (GJED), ka urdhëruar Hungarinë të paguajë një shumë prej 200 milionë eurosh për kufizimet e vendit për ligjin e azilit.

Për më tepër, Hungaria do të duhet të paguajë 1 milion euro për çdo ditë vonese.

-Advertisement-

Siç raportohet, paratë do të zbriten automatikisht nga pjesa e ndarë e Hungarisë në buxhetin e BE-së, shkruan euronews, përcjell Telegrafi.

“Dështimi për të përmbushur detyrimet përbën një shkelje të paprecedentë dhe jashtëzakonisht të rëndë të ligjit të BE-së”, tha GJED në një deklaratë.

Mosmarrëveshja daton nga dhjetori i vitit 2020, kur gjykata vendosi fillimisht se Hungaria, nën kryeministrin Viktor Orban, kishte qasje të kufizuar në procedurat e azilit për ata që kërkonin mbrojtje ndërkombëtare në vend.

#ECJ: #Hungary is ordered to pay a lump sum of € 200 million and a penalty payment of € 1 million per day of delay for failure to comply with the Court of Justice’s judgment of 17 December 2020 #asylum 👉 https://t.co/ATb3CgbPxg

— EU Court of Justice (@EUCourtPress) June 13, 2024

Autoritetet hungareze u akuzuan për ndalim të paligjshëm të aplikantëve, duke shkelur të drejtën e tyre për të qëndruar në territorin kombëtar.

Ndërsa Hungaria shpërfilli vendimin e vitit 2020, Komisioni Evropian nisi një veprim të ri ligjor, i cili rezultoi në gjykimin e fundit.

Gjykatësit arritën në përfundimin se Hungaria ka shpërfillur “parimin e bashkëpunimit të sinqertë” dhe po “i shmanget qëllimisht” aplikimit të legjislacionit të bllokut për azilin.

“Kjo sjellje përbën një kërcënim serioz për unitetin e ligjit të BE-së, i cili ka një ndikim jashtëzakonisht serioz si në interesat private, veçanërisht në interesat e azilkërkuesve, ashtu edhe në interesin publik”, thanë gjykatësit.

Ndryshe, që nga ardhja në pushtet, Orban ka përqafuar një qëndrim të ashpër ndaj migracionit, duke përkeqësuar tensionet me Brukselin.

Muajin e kaluar, vendi votoi kundër çdo dosjeje të përfshirë në Paktin e Ri për Migracionin dhe Azilin.

Düsseldorf–Prishtinë, dy fluturime në ditë – rezervoni me PrishtinaTickets

Sponsoruar

-Advertisement-