Lajme

Humolli: Ka deputetë shqiptarë që kanë vila më të mira sesa Radojiçiqi

Autori: Gazeta inFokus 19:42 | 04 October 2023

Deputeti i pavarur, Fatmir Humolli ka komentuar sekuestrimin e vilës shumë milionëshe të kryeterroristit, Milan Radojçiqit.

Sipas tij, ka deputetë shqiptarë që kanë vila më të mira sesa Radoiçiqi. Ndaj, Humolli ka thënë se nuk mjafton veç që është gjetur kjo vilë, por duhet të hulumtohet se si është ndërtuar.

“Nuk ka rëndësi se a e ka atë villë apo jo sepse ka deputet shqiptar që i kanë villat edhe më të mira se ai, goditja vetëm për një shtëpi që e ka është është kënaqësi por jo edhe drejtësi. Ai duhet me u godit nëse e ka ndërtu atë shtëpi duke e dëmtuar buxhetin e Kosovës”, tha ai në Kanal 10.

-Advertisement-

Ish-kryeinspektori i Prishtinës, Adonis Tahiri, duke përdorur imazhet nga gjeoportali i shtetit ka treguar se vila buzë Ujmanit, e kryeterroristit Milan Radojiçiq, është ndërtuar në pesë vjetët e fundit.

Siç shihet nga imazhet, në vitin 2018 lokacioni i vilës duket se ka qenë livadh e mal, dhe se nëse vila është ndërtuar pa leje, në pesë vitet e fundit, Tahiri tha se “s’e rrok’ legalizimi po e rrok’ bageri”.

Ndërsa Ministri Xhelal Sveçla ka treguar se është në bisedime me ministrin e Bujqësisë, Faton Peci, që kjo pronë t’i kalohet Ministrisë së Punëve të Brendshme “e pastaj të shfrytëzohet nga Policia e Kosovës për stacion për njësitin e barkave në Departamentin e Kufirit”.

Subscribe në YouTube: GAZETA INFOKUSI