Lajme

Humolli i VV-së: Kurti përmes grevistëve po kërkon destabilizim të vendit – Kjo qeveri po vepron sikurse të ishte në mars, duhet rrëzuar

Autori: Gazeta inFokus 13:50 | 04 October 2022

Deputeti i Kuvendit të Kosovës nga radhët e Lëvizjes Vetëvendosje, Fatmir Humolli ka ngritur dyshime të forta se kryeministri Albin Kurti, assesi nuk është i interesuar që greva në arsim të pezullohet, por që ajo të vazhdoj.

Fatmir Humolli i ka thënë Gazeta Blic se shefi i partisë së tij, njëherit kryeministër i vendit po kërkon krejt diçka tjetër.

“Ka dyshime që Qeveria dëshiron ta vazhdojnë grevën punëtorët e arsimit, kurrgjë tjetër. Në mënyrë tërthorazi po i thërret punëtorët e arsimit që të ta vazhdojnë, sepse ka nevojë për destabilizim të vendit kaq”, ka analizuar Humolli.

-Advertisement-

Ndalja e pagave për punëtorët grevistë të arsimit, sipas tij është vendim mjaft i gabuar.

“Kjo qeveri po vepron sikur të ishte në mars e jo në Kosovë”, ka thënë ai ndër të tjera.

Sipas tij, deputetet e Lëvizjes Vetëvendosje kanë një ‘mision’ para vetës për Qeverinë dhe në rast se nuk iu ’dhezë’ atëherë ka kërkuar rrëzimin e kësaj qeverie.

“Për fat të keq kjo Qeveri po vepron sikur të ishte në mars e jo në Kosovë, nuk po e kupton realitetin qeverisës. Jemi duke bërë përpjekje që deputetët e Kuvendit të Kosovës, ne të Vetëvendosjes ta këndellim këtë Qeveri, në qoftë se nuk mund ta këndellimin kjo qeveri duhet të bie sa më shpejt, sepse po e dëmton vendin për teke individuale të individëve të caktuar ose grupeve të caktuara..”, ka thënë ai.

Pak minuta para reagimit të Humollit edhe dy deputetë të tjerë të partisë në pushtet kanë kërkuar procedimin e pagave për mësimdhënësit. Deputeti Eman Rrahmani dhe Alban Bajrami janë deklaruar kundër qeverisë Kurti.

Ky është deputeti tjetër i VV-së që del kundër Qeverisë për pagat

Deputeti i LVV-së i del kundër partisë: Pagat duhet të procedohen për mësimdhënësit

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme