Lajme

Hoyt Brian Yee viziton sërish Kosovën javën e ardhshme?

Autori: Gazeta inFokus 12:17 | 26 April 2017

Zëvendës ndihmës Sekretari amerikan i shtetit për çështjet evropiane dhe euro-aziatike, Hoyt Brian Yee, pritet ta vizitoj sërish Kosovën javën e ardhshme.

Të paktën kështu thonë burime të ‘Indeksonline’ brenda Qeverisë se Kosovës.

Sipas tyre, zyrtari i lartë amerikan do të jetë në Kosovë, sërish brenda një periudhe një mujore.

-Advertisement-

Hoyt Yee pritet të takoj liderët institucional të Kosovës, në kohën kur zgjedhjet e parakohshme dhe demarkacioni me Malin e Zi janë tema kryesore në vend.

Yee e kishte vizituar vendin në fund të muajit mars.

Ai, të premten ka zhvilluar dy biseda telefonike me kreun e Kuvendit, Kadri Veseli dhe kryeministrin Mustafa ku ka kërkuar qe demarkacioni me Malin e Zi të procedohet sa me shpejtë në Kuvendin e Kosovës.

Ndryshe, tanimë ka një deklarim të qartë të partive në pushtet se nëse dështon ratifikimi i demarkacionit, atëherë duhet t’i hapet rrugë zgjedhjeve të parakohshme.

Në anën tjetër, partitë opozitare tanimë janë në fazën finale të procedimit të mocionit për rrëzimin e Qeverisë.

Opozitarët po shpresojnë në votat e deputetëve të koalicionit qe mocioni të kalojë./Indeksonline/L.B

Subscribe në YouTube: GAZETA INFOKUSI