Lajme

Hoxhaj takon ambasadorin jo-rezident të Belgjikës, diskutojnë aplikimin në organizata ndërkombëtare

Autori: Gazeta inFokus 13:25 | 27 April 2017

Ministri i Punëve të Jashtme të Kosovës, Enver Hoxhaj ka pritur sot në takim Ambasadorin jo-rezident të Belgjikës në Kosovë, François Bontemps.

Duke e falënderuar për mbështetjen e vazhdueshme belge ndaj Kosovës para dhe pas pavarësisë, ministri Hoxhaj ka njoftuar ambasadorin me zhvillimet në Kosovë dhe në rajon, ndërsa kanë folur edhe për çështje të sigurisë.

Sa i përket forcimit të subjektivitetit ndërkombëtar të Kosovës, Hoxhaj ka kërkuar mbështetjen e Belgjikës për anëtarësim në organizata ndërkombëtare, pasi që Kosova planifikon të aplikojë në disa sosh këtë vit.

-Advertisement-

Hoxhaj po ashtu ka theksuar se Kosova këtë vit planifikon të aplikojë edhe për statusin e kandidatit, duke qenë se është i vetmi vend në Ballkan që nuk e ka marrë ende këtë status.

“Këtë vit, ne planifikojmë të aplikojmë në disa organizata ndërkombëtare, por kemi në plan edhe aplikimin për statusin e kandidatit pasi që Kosova është i vetmi vend në Ballkan që nuk e ka këtë status. Mbështetja e Belgjikës në këto procese të rëndësishme, është e rëndësisë së madhe që Kosova të shënojë sukses”, ka thënë Hoxhaj.

Mbështetja e madhe e Belgjikës, po ashtu, ka bërë që Kosova të bëhet anëtar i Organizatës Botërore të Doganave.

Subscribe në YouTube: GAZETA INFOKUSI
Etiketa:
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

lajme