Hoxhaj në Vushtrri: Fondi 1 miliard do të rimëkëmbë sektorin privat të prekur nga pandemia
Autori: Gazeta inFokus 15:24 | 19 January 2021
Kandidati i Partisë Demokratike të Kosovës për kryeministër, Enver Hoxhaj, ka vizituar sot disa biznese prodhuese vendore në komunën e Vushtrrisë, të cilave u ka premtuar se Qeveria e udhëhequr nga ai do të jetë partner i tyre.
Për të përballur efektet negative të pandemisë në sektorin privat, Hoxhaj ka theksuar se ekipi i Rimëkëmbjes ka dizajnuar fondin 1 miliard eurosh, ku 500 milionë janë të dedikuara për biznesin dhe ndërmarrësin në Kosovës ndihmë direkte dhe pa kthim.
Këto mesazhe, Hoxhaj i shoqëruar nga nënkryetari Bedri Hamza, i ka dhënë gjatë vizitave në kompaninë e njohur kosovare, Vipa, si dhe Albed dhe Missini.
“Ne jemi të vendosur që ta zhvillojmë sektorin privat se nuk ka sektor tjetër, i cili mund të krijojë vende të reja të punës, i cili mund ta rritë ekonominë e vendit, ne nuk mund ta rrisim territorin po mund ta rrisim ekonominë e vendit. Nuk ka sektor, i cili mund ta rritë mirëqenien e qytetarëve sikurse sektori privat dhe ky do të jetë prioritet kryesori i Qeverisë të cilën do ta udhëheq unë si kryeministër i Kosovës. Natyrisht që ne jemi partnerë të biznesit në Kosovë dhe do të ofrojmë mbështetje institucionale, do të ofrojmë mbështetje përmes politikave konkrete fiskale, lehtësira fiskale dhe do të jemi partnerë të tyre që këtë punë të madhe që këta po e bëjnë edhe t’u ndihmojmë që t’i eksportojmë produktet e tyre jashtë, po të jenë edhe një lloj imazhi i ri, një lloj brendi i ri i një Kosove të re, e cila po ndërtohet çdo ditë nga ndërmarrës të suksesshëm”, ka thënë ai.
Plani i rimëkëmbjes së PDK-së parasheh që në tatimin në të ardhura të korporatave, të gjithë investitorët do të kenë stimulime të ndryshme, të cilat u mirëpritën nga përfaqësuesit e bizneseve.
Sipas planit të PDK-së për rimëkëmbje, në investimet mbi 100,000 euro, që krijojnë mbi 5 vende të punës, tatimin në të ardhura të korporatës do të jetë 8 %, derisa në investimet prej 500,000 deri në 1 mil. euro, që krijojnë mbi 8 vende të punës, tatimin në të ardhura të korporatës do të jetë 7 % për 10 vite. Ky plan parasheh që në investime prej 1 mil. deri në 3 mil. euro, që krijojnë mbi 20 vende të punës, tatimin në të ardhura të korporatës do ta jetë 5 % për 10 vite, si dhe në investime mbi 3 mil. euro, që krijojnë mbi 30 vende të punës, tatimin në të ardhura të korporatës do të jetë 0 % për 10 vite.
Në këto takime, Hoxhaj dhe Hamza kanë njoftuar prodhuesit që me qeverisjen e PDK-së, tatimi doganor do t’u kthehet të gjithë prodhueseve me rastin e eksportit në qoftë se për mallin, i cili ka marrë pjesë në prodhim është paguar tatimi doganor me rastin e importit.
Në fund ata kanë theksuar se tatimi i Akcizës do t’u kthehet të gjithë prodhueseve me rastin e eksportit në qoftë se me rastin e prodhimit ndonjë mall ka marrë pjesë në proces të prodhimit për të cilin është paguar akciza qoftë në brendi të vendit ose me rastin e importit.
Të tjera
-
Stano deklarohet për raportimet se Lajçaku do të marrë post të ri
Gjatë ditës së sotme u raportua se nga muaji shtator, emisari aktual i BE-së ...
-
Përmbaruesi bllokon llogaritë: 2700 punëtorë të Telekomit dhe Postës mbesin pa rroga – paralajmërojnë protestë
Sindikata e Postës dhe Telekomunikacionit ka paralajmëruar protestë për të ma...
-
Investimet për faqe te zezë të Alban Hysenit, asfalton trotuare për bandera
Një bander në mes të trotuarit të asfaltuar, janë pamjet më të reja të publik...
-
Sekuestrohen ar*më në Cermjan të Gjakovës
Më zbatim të urdhërkontrollit të lëshuar nga Gjykata, Stacioni Policor në Gja...
-
Gorçeviç: Mali i Zi do ta përkrahë anëtarësimin e Kosovës në KiE
Ministrja për Çështje Evropiane e Malit të Zi, Maida Gorçeviç, ka thënë se në...
-
Kuvendi me tri seanca plenare në javën e ardhshme
Tri seanca plenare do të mbahen në javën e ardhshme në Kuvendin e Kosovës. ...
-
IKShPK: Regjistrohen 8 raste të Kollës së mirë në Kosovë
Instituti Kombëtar i Shëndetësisë Publike të Kosovës (IKShPK) ka njoftuar se ...
-
Aksident trafiku në Kërçovë, 3 të vd*ekur dhe 4 të lënduar
Një aksident i rëndë trafiku ka ndodhur mëngjesin e sotëm, në ora 04:50, në m...
-
Kusari-Lila: S’jemi në situatë të jashtëzakonshme që duhet medoemos të shkojmë në zgjedhje
Shefja e grupit parlamentar të VV-së, Mimoza Kusari-Lila, e ka komentuar kërk...
-
Maqedonci informoi homologun italian për mbështetjen që Kosova po i ofron Ukrainës
Ministria e Mbrojtjes e Kosovës ka dhënë detaje në lidhje me takimin që ka zh...
-
Konjufca: Qeveria s’ka aryse të japë dorëheqje
Kryetari i Kuvendit, Glauk Konjufca, ka thënë se qeveria nuk ka arsye të japë...
-
Bislimi pret në takim përfaqësuesit e BB, kërkon mbështetje për Kosovën
Zëvendëskryeministri për Integrim Evropian, Zhvillim dhe Dialog, Besnik Bisli...