Lajme

Hoxhaj: Marrëveshjet çojnë Kosovën dhe Sebinë një hap më afër marrëveshjes përfundimtare

Autori: Gazeta inFokus 13:01 | 14 February 2020

Deputeti i PDK-së, Enver Hoxhaj, ka thënë se marrëveshjet e nënshkruara në Mynih në mes të Kosovës dhe Serbisë për hekurudhat dhe autostradat, çojnë një hap më afër marrëveshjes përfundimtare në mes të të dyja vendeve, shkruan Gazeta inFokus.

“Lajm i shkëlqyeshëm nga Mynihu, pasi Presidenti Hashim Thaçi dhe Aleksandar Vuçiq ranë dakord për hekurudhat dhe autostradat midis Kosovës dhe Serbisë. Falenderues ndaj Richard Grenell dhe Ambasadës së SHBA-së në Kosovë për mbështetjen e marrëveshjes. Ky është një hap më afër një marrëveshje përfundimtare për njohjen e ndërsjellë të dy vendeve”, ka shkruar Enver Hoxhaj.

Kujtojm se këtë të premte është nënshkruar marrëveshja mes Kosovës dhe Serbisë për hekurudhën dhe autostradën që lidh dy shtetet.

Kjo është bërë nën prezencën e ambsadorit amerikan Richard Grenell dhe presidentëve të dy shteteve Hashim Thaçi dhe Aleksandër Vuçiq.

Në ceremoninë e nënshkrimit ka marrë pjesë edhe ambasadori Philip Kosnett dhe Drejtori i të ashtuquajturës Zyrës Serbe për Kosovën Marko Gjuriq.

Përmes këtyre letrave, Kosova dhe Serbia shfaqin gatishmërinë për rihapjen e rrugëve që janë pjesë e korridoreve hekurudhore dhe rrugore si dhe për ndërtimin e rrugëve të reja që lidhin dy kryeqytetet me njëri-tjetrin, ashtu si edhe me Evropën.

Të tjera