Lajme

Hoxhaj dënon ashpër arrestimin e kosovarit, Ibrahim Matoshi në Serbi

Autori: Gazeta inFokus 15:12 | 14 August 2018

Edhe zëvendëskryeministri i Kosovës, Enver Hoxhaj ka reaguar pas arrestimit në Serbi të stomatologut kosovar nga Gjermania, Ibrahim Matoshi.

Hoxhaj përmes një postimi në twitter ka shkruar se sjelljet e tilla shënojnë regres në procesin e normalizimit, shkruan gazeta inFokus.

Ai gjithashtu ka shkruar se arrestimi i mërgimtarit teksa po ktheje në shtëpinë e tij në Gjermani është shkelje e të drejtave të njeriut”.

-Advertisement-

Më poshtë mund të gjeni të plotë postimin e Hoxhajt.

“Vazhdojnë politikat destruktive të Serbisë ndaj popullit tanë. Dje e arrestuan një pjesëtar të diasporës kosovare i cili po udhëtonte përmes Serbisë për tu kthyer në shtëpinë e tij në Gjermani. Sjellje të tilla shënojnë regres në procesin e normalizimit dhe janë shkelje e të drejtave fundamentale të njeriut,” ka shkruar Hoxhaj në Twitter.

Kujtojmë që të hënën është raportuar se kosovari, , Ibrahim Matoshi teksa po udhëtonte në Gjermani përmes shteti serb është arrestuar në pikën kufitare tek Dheu i Bardhë dhe është dërguar në stacionin policor në Bujanoc.

Lexo edhe: Serbia arreston mërgimtarin kosovar

E familjarët e Matoshit mëngjesin e së martës kanë bërë të ditur se ende nuk kanë asnjë informacion për të ndërsa me këtë rast po merret edhe Ambasada e Gjermanisë në Serbi pasi Matoshi ka shtetesëi gjermane.

Lexo edhe: Ende nuk dihet pse u arrestua Ibrahim Matoshi nga policia serbe

E për këtë rast ka reaguar edhe Ministria e Punëve të Jashtme e Kosovës.

Lexo edhe: MPJ tregon pse u arrestua stomatologu kosovar në Serbi

Në reagimin e MPJ-së thyhet se ndalesat dhe arrestimet e tilla janë praktikë e politikave të Milloshoviqit

“Ndalimet dhe arrestimet e vazhdueshme të shtetasve të Republikës së Kosovës nga shteti fqinj mund të vlerësohen si një gjueti shtrigash nga autoritetet e këtij shteti dhe praktika të politikave të Millosheviqit”, thuhet në komunikatën e MPJ-së.

E javën e kaluar fatin e ngjashëm me Matoshi, e kishte edhe ish-kryetari i akademisë së Shkencave dhe Arteve të Kosovës,Hivzi Islami.

Ai dy herë brenda një jave është ndaluar nga Policia Serbe duke mos u lënë të futet në shtetin serb për të vizituar familjen e tij në Preshevë./inFokus

Lexo edhe: Serbia ndalon përsëri akademik Hivzi Islamin të vizitojë Preshevën

Subscribe në YouTube: GAZETA INFOKUSI