Lajme

Hoxha: Sa më llugë që bëhet aq më mirë për Kurtin, ai nuk mbijeton në normalitet

Autori: Gazeta inFokus 23:52 | 22 September 2022

Deputetja e PDK’së, Eliza Hoxha ka drejtuar disa kritika të ashpra ndaj kryeministrit Albin Kurti, duke thënë se ai vazhdon të shkaktojë frikë tek qytetarët.

Hoxha në T7 tha se ‘sa më llugë që bëhet, aq më mirë për Kurtin’, pasi sipas saj, Kurti nuk mbijeton në normalitet.

“Për kryeministrin mendoj që sa më llugë bëhet, ai vjen në formën e vet. Ashtu e ka krijuar personalitetin e tij. Që nga koha kur ka dalë nga burgu kështu ka qenë. Në normalitet siç duket humbet, nuk është personazh. Sa më llugë bëhet, ai vjen dhe na mban neve ligjërata në Kuvend. Nonstop mbjell frikë, nonstop përdor fjalor përcarës, në cfarëdo konteksti”, tha ajo.

-Advertisement-

Tutje, Hoxha tha se Kurti është duke e zhbërë shtetin e Kosovës, në të gjitha instancat e mundshme.

“Kur ka qenë opozitë e ka kontaminuar shumë diskursin në sferën publike dhe mediatike. Ai e përdor sot pozicionin e tij në qeveri për të atakuar dhe diferencuar njerëz, por në të njëjtën kohë instrumentalizon akterë përkrahës të tij nga shoqëria civile të cilët protestojnë dhe bëjnë agjenda paraleje, ashtu sic i konvenon z. Kurti. Ai është duke e zhbërë shtetin e Kosovës, në të gjitha instancat e mundshme”, tha ajo.

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme