Lajme

Hoxha: Noteria i kontribuon përmirësimit të jetës së qytetarëve

Autori: Gazeta inFokus 11:23 | 26 May 2017

Sot, Ministrja e Drejtësisë, Dhurata Hoxha, priti në takim, Presidentin e Unionit Ndërkombëtar të Noterisë, Marqueno Jose de Lano, zv. Presidentin Lucini, Kryetaren e Odës së Noterisë së Republikës Kosovës znj. Arbena Shehu, si dhe Fatmir Halimi.

Ministrja e Drejtësisë, Dhurata Hoxha, tha se është shumë e përkushtuar që sistemi i drejtësisë të jetë në përputhje me standardet më të avancuara ndërkombëtare. “Fokus i ynë është të përmirësojmë shërbimet ndaj qytetarëve, të jenë sa më të mira, më të shpejta dhe efikase për të gjithë qytetarët. Noteria në Kosovë është në rrugën e duhur dhe sistemi juridik është më efikas me punën e noterisë, theksoi ministrja Hoxha.

Marqueno Jose de Lano, president i Noterisë, theksoi se është i lumtur për punën e mrekullueshme tënoterisë në Kosovë duke theksuar se noteria i sjellë vendit siguri juridike, pa të cilën nuk mund të ketë besim edhe për investime, kredi e përparim social.

-Advertisement-

Në fund të takimit, Ministrja Hoxha e falënderoi, Presidentin e Unionit Ndërkombëtar të Noterisë, Marqueno Jose de Lano, dhe zëvendëspresidentin Lucini, për mbështetjen që i kanë dhënë dhe që po i japin Noterisë së Republikës se Kosovës, e cila ka kontribuar që të përmirësohet jeta private e qytetarëve të Kosovës.

Subscribe në YouTube: GAZETA INFOKUSI