Lajme

Hoxha nënshkruan me Komisionin Evropian përkrahjen me vlerë 48 milionë euro​

Autori: Gazeta inFokus 17:28 | 01 Qershor 2018

Sot në mjediset e Komisionit Evropian në Bruksel, Ministrja e Integrimit Evropian, Dhurata Hoxha, bashkë me Genoveva Ruiz Calavera, Drejtore për Ballkanin Perëndimor pranë Drejtorisë së Përgjithshme për Fqinjësi dhe Negociata të Zgjerimit, ka nënshkruar Marrëveshjen Financiare IPA 2017.

Kjo marrëveshje, pjesa e I-rë, ka vlerë prej 49.4 milion euro, ku nga kjo vlerë 48 milion euro, do të financohen nga Bashkimi Evropian, kurse 1.4 milion euro, janë bashkëfinancim i Qeverisë së Kosovës.​

“Me këtë marrëveshje, Kosova do të përfitojë asistencë financiare të cilën do ta përdorë për avancimin e demokracisë dhe qeverisjen, fuqizimin e sundimit të ligjit dhe të drejtat e njeriut, mbrojtjen e mjedisit, projektet për klimën dhe energjinë, rritjen e konkurrueshmërisë dhe inovacionit, bujqësisë dhe zhvillimit rural. Po ashtu, këto fonde do të përdoren për avancimin e arsimit, punësimit dhe politikave sociale”, thuhet në njoftimin e kësaj Ministrie.

-Advertisement-

Tutje thuhet se Kosova tash e sa vite është përfituese e fondeve të IPA-s dhe neve na mbetet të shfrytëzojmë këtë asistencë për implementimin e reformave dhe të gjitha projektet duhet të rezultojnë me përmirësimin e mirëqenies së qytetarëve tanë.

Në përputhje me dinamikat nëpër të cilat është duke kaluar Kosova në rrugën e saj drejt BE-së, Ministria e Integrimit Evropian në bashkëpunim me të gjithë dikasteret shtetërore, do të rrisë përkushtimin e saj në mbarëvajtjen e kësaj asistence financiare, në mënyrë që efektet e kësaj asistence të ndihen te secili qytetar i Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy